Olimov umidjon mavzu: ijara shartnomasi

26-модда. Корхона бўлинмасининг мулкини ижарага олиш асосида ижара корхонасини барпо этиш
Корхоналарнинг ишлаб чиқаришлари, цехлари, бўлинмалари, фермалари ва бошқа бўлинмалари мулкини ижарага олиш асосида ўша бўлинманинг розилиги билан ишчиларнинг ўзлари, ўзга жамоалар, юридик ва жисмоний шахслар томонидан корхонани ижарага бериш ваколати бўлган идоранинг қарорига кўра ижара корхонаси барпо этилиши мумкин.
Ижара шартномаси мулкининг бир қисмини ижарага топшираётган корхона билан тузилади.
Бундай ижара корхонаси амалдаги қонунларга мувофиқ рўйхатга олинади.
27-модда. Хўжалик ичидаги ижара пудрати
Корхона ўз бўлинмаларининг ходимларига мол-мулкни хўжалик ичидаги ижара пудрати шаклида ижарага бериши мумкин.
Корхона билан ана шундай ижарачи жамоа ўртасидаги муносабатлар шартномада белгиланади.
Ер ва бошқа табиий ресурсларни хўжалик ичида ижарага олиш Ўзбекистон Республикасининг қонунлари ва шартнома билан тартибга солиб турилади.
28-модда. Жамоат бирлашмалари ва ташкилотларига қарашли мулк асосида ижара корхоналарини барпо этиш
Жамоат бирлашмалари, ташкилотлари ўзлари белгилайдиган ва ушбу Қонунда кўзда тутилган шартлар асосида ўз корхоналарини ва уларнинг бўлинмаларини ижарага беришга ҳақлидирлар.
III БЎЛИМ. МУЛКНИНГ ФУҚАРОЛАР ТОМОНИДАН ИЖАРАГА ОЛИНИШИ
29-модда. Ижарачиларнинг якка тартибда ёки гуруҳ бўлиб ижарага олишдаги ҳуқуқлари
Ижарачилар якка тартибда ёки гуруҳ бўлиб ижарага олганда ушбу Қонунда ва Ўзбекистон Республикасининг бошқа қонун ҳужжатларида кўзда тутилган ҳуқуқларга эга бўладилар.
З0-модда. Якка тартибда ёки гуруҳ бўлиб ижарага олиш шароитида меҳнат фаолияти билан шуғулланаётган шахсларни ижтимоий суғурталаш ва ижтимоий таъминлаш
Якка тартибда ёки гуруҳ бўлиб ижарага олиш шароитида меҳнат фаолияти билан шуғулланаётган шахслар ишчи ва хизматчилар билан бир қаторда ижтимоий суғурта қилиниши ва ижтимоий жиҳатдан таъминланиши керак.
Ижарачиларнинг суғурта бадаллари тўлаб турилган давр мобайнидаги иши уларнинг меҳнат стажига қўшилади.