Olimov umidjon mavzu: ijara shartnomasi

2З-модда. Корхоналарни ижарага олишдаги ҳуқуқий ворислик
Ижара корхонаси ижарага олинган корхонанинг мулкий ҳуқуқлари ва мажбуриятларига, шу жумладан унинг ер ва бошқа табиий ресурслардан фойдаланиш ҳуқуқларига қонуний ворис бўлиб қолади. Бунда ижарага берувчи корхонанинг кредиторлик қарзларини тўла ёки қисман тўлашни ўз зиммасига олиши мумкин.
Ижарачи давлат корхонасининг ана шу корхона шартномасида кўзда тутилган ҳажмда ва муддатда маҳсулот (ишлар, хизматлар) реализация қилиш борасидаги мажбуриятини бажаради. Ижарага берувчи моддий ресурслар ёки уларга оид лимитларни (фондларни) ижарачига топширади, шунингдек ана шу мажбуриятларнинг бажарилишини таъминлайдиган бошқа зарур чораларни кўради. Ижарага берувчининг ўз мажбуриятларини бажармаслиги ижарачининг зиммасидан тегишли мажбуриятларни соқит қилади.
Ижара корхонаси ижарага олинган давлат корхонаси учун белгиланган ҳажмда марказлаштирилган капитал маблағ ва дотация олиш ҳуқуқини сақлаб қолади. Ана шу маблағлар эвазига яратилган мол-мулк давлат мулки ҳисобланади ҳамда ижарага бериладиган мулк таркибига киритилмоғи даркор.
Ижарачи учун керагидан ортиқча бўлган корхоналар, объектлар ва мол-мулкни ижарага олишга мажбурлашга йўл қўйилмайди.
24-модда. Корхоналар ва уларнинг мулкий комплексларини ижарага танлов асосида бериш
Корхоналарни ва уларнинг мулкий комплексларини ижарага олиш юзасидан танлов тегишли мулкни ижарага бериш ҳуқуқи бўлган мулкдор ёки у ваколат берган идора томонидан эълон қилинади.
Танловда корхоналарнинг, улар таркибидаги бўлинмаларнинг меҳнат жамоалари, мазкур корхонада банд бўлмаган ходимларни ҳам ўз ичига оладиган аралаш жамоалар ҳамда бошқа юридик ва жисмоний шахслар иштирок этиши мумкин.
Бошқа шартлар бир хил бўлган тақдирда корхона ёки унинг бўлинмасини ижарага олишда уларнинг меҳнат жамоалари устун ҳуқуққа эга бўладилар.
25-модда. Давлат корхонаси қайта ташкил этилган ёки тугатилган ҳолларда уни ижарага олиш
Давлат мулкини идора этиш ваколати берилган давлат идораси давлат корхонасини қайта ташкил этиш ёки тугатиш тўғрисида қарор қабул қилган тақдирда меҳнат жамоаси корхонани ижарага беришни талаб қилишга ҳақлидир.