Олийваўртамахсустаълимвазирлиги тошкентдавлатиқтисодиётуниверситети

“Тўловлар мониторинги” дастурий маҳсули

«Тўловлар мониторинги» дастурий маҳсули ҳақида умумий тушунча Молия вазирлиги Ғазначилиги (кейинги ўринларда Ғазначилик деб юритилади) томонидан кун давомида молиялаштирилаётган ва молиялаштиришга тайёр хўжалик юритувчи субектлар бўйича ахборот алмашинувини ташкил этиш юзасидан Давлат солиқ қўмитаси ва Ғазначилик ўртасида 2011 йил 12 ноябрда келишув битими имзоланган ва маълумотлардан фойдаланиш бўйича «Ғазначилик тўловлари мониторинги»
дастурий маҳсули ишлаб чиқилган эди.
Ўзбекистон Республикаси Президентининг 2012 йил 30 октябрьдаги ПҚ-1843-сонли қарори ижросини таъминлаш доирасида ҳамда вазирликлар ва идоралардан келиб тушаётган маълумотларни қайта ишлаш ва ундан
фойдаланиш самарадорлигини ошириш мақсадида, Давлат солиқ қўмитасининг 2013 йил 30 ноябрдаги ““Ғазначилик тўловлари мониторинги” дастурий маҳсули”ни амалиётга жорий қилиш тўғрисида”ги 500-сонли буйруғига асосан «Ғазначилик тўловлари мониторинги» дастурий маҳсулининг такомиллаштирилган варианти амалиётга жорий қилинди.
Ўзбекистон Республикаси Давлат солиқ қўмитасининг 2014 йил 11 октябрьдаги 399-сонли буйруғи асосида Давлат солиқ қўмитасининг 2013 йил 30 ноябрдаги “Ғазначилик тўловлари мониторинги” дастурий маҳсулини амалиётга жорий қилиш тўғрисида”ги 500–сонли буйруғи номи ва матнидаги “Ғазначилик тўловлари мониторинги” сўзлари “Тўловлар мониторинги” сўзлари билан алмаштирилди ҳамда Давлат солиқ қўмитасининг 2013 йил 30 ноябрдаги 500–сонли буйруғи билан тасдиқланган “Ғазначилик тўловлари мониторинги” дастурий маҳсули маълумотлари асосида давлат солиқ хизмати органлари томонидан назорат тадбирларини ўтказиш Регламенти” янги таҳрирда баён этилди.
Дастурий маҳсул яратилишудан кўзланган асосий мақсад
«Тўловлар мониторинги» дастурий маҳсулини яратишдан кўзланган асосий мақсад -Ғазначилик томонидан кун давомида молиялаштирилаётган ва молиялаштиришга тайёр хўжалик юритувчи субектлар ҳамда бошқа манбалардан банкдаги ҳисобварағига пул маблағлари келиб тушган хўжалик юритувчи субектларнинг бюджет ва бюджетдан ташқари мақсадли жамғармалар билан муносабатларини назорат қилиш механизмини яратиш бўлиб ҳисобланади.