Олийваўртамахсустаълимвазирлиги тошкентдавлатиқтисодиётуниверситети

“Таҳлика таҳлил” (“риск анализ”) дастурий маҳсули

Ўзбекистон Республикаси Давлат солиқ қўмитасининг 2013 йил 25 декабрдаги ““Таҳлика таҳлил” (“Риск анализ”) дастурий маҳсулини амалиётга жорий этиш тўғрисида”ги 534-сонли буйруғига асосан, Давлат солиқ қўмитасининг Янги технологиялар илмий-ахборот маркази томонидан ишлаб чиқилган “Таҳлика таҳлил” (“Риск анализ”) дастурий маҳсулини давлат солиқ хизмати органларида 2013 йилнинг 26 декабридан бошлаб жорий этиш белгиланди. Мазкур буйруқ асосида дастурий маҳсулни республиканинг барча ҳудудий давлат солиқ хизмати органларининг Камерал назорат ва Солиқ текширувлари бўлим (шуъба)лари компютерларига боғлаш ишлари амалга оширилиди.
“Таҳлика таҳлил” (“Риск анализ”) дастурий маҳсулини жорий қилиш
мақсадлари
“Таҳлика таҳлил” (“Риск анализ”) дастурий маҳсули текширувларни ўтказиш учун солиқ қонунчилиги бузилишларининг хавфи мавжудлигини аниқлашга имкон берувчи мезонлар асосида солиқ тўловчиларни танлаш мақсадида яратилган. Дастурий маҳсул орқали солиқ тўловчилар маълумотлари автоматик тарзда таҳлил этилади ва энг таваккаллилари идентификатсия қилинади. Бу ўз навбатида солиқ органларининг чекланган ресурсларини мақбуллаштириш, қонунга итоаткор солиқ тўловчилар учун маъмурий босимни пасайтириш имкониятини беради.
“Таҳлика таҳлил” (“Риск анализ”) дастурий маҳсулининг афзалликларига қуйидагиларни киритиш мумкин:
-дастурий маҳсул ёрдамида барча солиқ тўловчилар автоматик тарзда таҳлил этилиб, энг таваккаллилари идентификатсия қилинади;
-солиқ инспекторлари энг таваккалли солиқ тўловчилар– хўжалик юритувчи субектларни текширадилар;
-режали текширувларни солиқ тўловчи фақат таваккалли бўлиб ҳисоблангандагина ўтказиш орқали солиқ органларининг чекланган ресурслари мақбуллаштирилади;
-таваккалли ҳисобланмаган солиқ тўловчилар фақат истисно ҳолларда текширилиши натижасида қонунга итоаткор солиқ тўловчилар учун маъмурий босимни пасайтириш имконияти яратилади;
-таҳлил олдиндан белгиланган ва дастурланган таваккалчиликлар мезони асосида тўлиқ компютер тизими ёрдамида амалга оширилади.
-иқтисодий шароитлар ва солиқ тўловчиларнинг интизоми ўзгарганда таваккалчиликларни тезкорлик билан қайта кўриб чиқиш имконияти яратилади.