Олий ва ўрта

Фан бўйича талабаларнинг билими, кўникма ва малакасига қўйиладиган талаблар

«Сузиш ва уни ўқитиш методикаси» ўқув фанини ўзлаштириш жараёнида амалга ошириладиган масалалар доирасида бакалавр:

- Сузиш ва уни ўқитиш методикаси фанининг мақсади ҳамда вазифалари; сузиш спортининг ривожланиш тарихи; Ўзбекистон Республикасининг жисмоний тарбия тизимида сузишнинг ўрни; сузиш техникасининг илмий-назарий асослари ҳақида билимга эга бўлиши керак.
- сузиш машғулотларида машқ қилиш ва ўргатиш асослари; сузишнинг усулларини ўргатиш ва ўзлаштириш бўйича тайёрлов машқлари; сузиш техникасини такомиллаштириш ва ўргатишда махсусспорт машқлари; кўкракда кролв ачалқанча крол, дельфин, брасс усулида сузиш техникасини ўргатиш; сузиш машғулотларида ўргатиш методларини ҳақида кўникмаларга эгабўлиши керак.
- сузиш дастартдан чиқиш ва бурилишларни ўргатиш; сувда чўкаётган одамга биринчи ёрдам кўрсатиш; сузиш бўйича мусобақаларни ташкил қилиш ва ўтказиш, мусобақа ҳужжатлари, ҳакамлик қилиш ҳақида малакаларга эга бўлиши керак.


Фаннинг ўқув режасидаги бошқа фанлар билан ўзаро боғлиқлиги ва услубий жиҳатдан узвийлиги

Сузиш ва уни ўқитиш методикаси фани асосий умумкасбий фан ҳисобланиб, 3 – курс 1-семестрда ўқитилади. Дастурни амалга ошириш ўқув режасида режалаштирилган умумий психология, умумий педагогика, жисмоний маданият назарияси ва методикаси, жисмонийтарбия гигиенаси ва спорт тиббиёти, жисмоний машқлар физиологияси ва биомеханикаси, гимнастика ва уни ўқитиш методикаси, энгилатлетика ва уни ўқитиш методикаси, миллий кураш турлари ва уни ўқитиш методикаси, ҳаракатли ўйинлар ва униўқитиш методикаси, спорт ўйинлари ва уни ўқитиш методикаси, жисмоний маданият тарихи ва спортни бошқариш, спорт психологияси, спорт маҳоратини ошириш, жисмоний маданиятни ўқитиш технологиялари ва лойиҳалаштириш каби фанлардан етарли билим ва кўникмаларга эга бўлишликни талаб этади.

Фаннинг таълимдаги ўрни

Жисмоний маданият таълим йўналиши бўйича бакалаврларни тайёрлашда сузиш асосий восита ҳисобланиб, жисмоний сифатларни ривожлантириш ва тарбиялашда назарий ҳамда амалий-билим, кўникма ҳамда малакаларини мустаҳкамлашда муҳим аҳамият касб этади.