Ўзбекистон Республикасида Ғазначилик тизими тараққиёти
истиқболлари Мамлакатимизда бюджет сиёсатини такомиллаштиришга қаратилган фаол ишлар олиб борилмоқда, бу ишлар ажратилаётган маблағлардан фойдаланиш самарадорлигини ошириш ҳисобига бюджет ташкилотларини молиялаштиришни қисқартиришга ёрдам беради. Мазкур вазифа долзарб аҳамиятга эга. Илгари республикамиз ҳудудида амалда бўлган бюджет ташкилотларини молиялаштириш тизими алоҳида ҳолларда бюджет маблағларининг ортиқча сарфланишига олиб келарди. Давлат бюджетининг ғазна ижроси жорий этилиши муносабати билан ҳамда бюджет маблағларидан фойдаланиш самарадорлигини ошириш мақсадида “Бюджет ташкилотларининг паспортизацияси” дастурий мажмуасини ишлаб чиқиш лойиҳасининг амалга оширилиши бошланди. Ушбу лойиҳа бюджет ташкилотлари паспортларининг марказлаштирилган тарзда сақланишини таъминлайди, шунингдек бюджет ташкилотларининг ҳақиқий аҳволини қиёслаш ва мониторинг қилиш имконини беради. Бюджетташкилотипаспортирасмий ҳужжат бўлиб, унда ташкилот бўйича умумий маълумотлар, унинг энергетик объектлари, ёнилғи- энергетик ресурслар ва сув истеъмоли ҳажмлари, ресурслардан фойдаланиш кўрсаткичлари, шунингдек ташкилот балансида турган бинолар бўйича маълумотлар мавжуд.
Бюджет ташкилотининг паспорти – бу бюджет муассасасининг ҳисобот шакли бўлиб, унинг ҳисобот бериш пайтидаги ҳолатини ва унга сифатли бюджет хизматларини кўрсатиш имконияларини акс эттиради.
Бюджет ташкилотлари паспортизациясининг мақсади қуйидагилар:
муассасалар ва ташкилотларга ажратилган бюджет маблағларидан самарали ва оқилона фойдаланиш;
муассасалар, ташкилотларнинг улар асосий функцияларини бажариш учун зарур асосий фондлар билан таъминланганлик даражасини аниқлаш;
энергетик хўжаликларнинг объектив эҳтиёжларидан ва бюджетдан молиялаштириш имкониятларидан келиб чиқиб ташкилотлар учун ёнилғи-энергетик ресурслар ва сув истеъмоли лимитларини ҳисоблаб чиқиш.
Бюджет ташкилотлари раҳбарлари 3 ойда камида 1 марта молия органларига паспортларни тузиш учун маълумотларни тақдим этишлари керак. Ўз навбатида, бюджет ташкилотлари томонидан тақдим этиладиган маълумотлар белгиланган махсус шаклда “ЎзАСБО” КДга илова қилинадиган “Бюджет ташкилотлари паспортизацияси” дастурий комплексига киритилади. Тақдим этилган маълумотларни текширишни молия органлари амалга оширади.
Паспортизация мақсадларидан биттаси ташкилотлар учун ёнилғи- энергетика ресурслари ва сувдан фойдаланганлик учун тўловлар лимитларини ҳисоблаб чиқишдир. Лимитлар ташкилот объектлари томонидан ресурсларнинг истеъмол қилинишининг солиштирма кўрсаткичларидан келиб чиқиб ҳисобланади.
Масалан, бирор и объекти учун ресурс истеъмол қилинишининг солиштирма кўрсаткичи қуйидаги формула ёрдамида аниқланади:
ri = Wi / (Fi * ti),
бу ерда, Wi — кузатилаётган ти даврида объект томонидан истеъмол қилинган ресурс ҳажми ; Fi — объект томонидан ресурс истеъмолини меъёрлашда қўлланиладиган базавий эксплуатацион кўрсаткич.
Ресурсни истеъмол қилишнинг солиштирма кўрсаткичи ташкилот объектининг энергетик сиғимини характерлайди. Бу кўрсаткичнинг пасайиши объектнинг энергетик сиғими пасайиб, унинг энергетик самарадорлиги ошаётганидан далолат беради. Енергетик паспорт
солиштирма кўрсаткичларининг барча қийматларини ҳисобланган,
ҳақиқий ва базавий кўрсаткичларга ажратиш мумкин. Солиштирма кўрсаткичларнинг ҳисобланган қийматлари техник лойиҳалар, давлат бошқарув идоралари қарорлари, энергия таъминоти, сув таъминоти ва сув чиқариш ҳақида шартномалар шартлари асосида аниқланади. Тижорат ҳисоби ва энергетик текширувлар кўрсаткичлари асосида олинган солиштирма кўрсаткичлар қийматлари ҳақиқий қийматлардир. Солиштирма кўрсаткичларнинг базавий қийматлари ташкилотлар томонидан базавий истеъмол ҳажмларини ҳисоблаш учун қўлланилади. Бюджет ташкилотлари фақат айрим ҳисобланган ва ҳақиқий кўрсаткичлар ҳақида маълумотларни берадилар. Тақдим этиладиган маълумотлар асосида паспорт доирасида қолган ҳисобланган ва ҳақиқий кўрсаткичлар бўйича ҳисоб-китоблар амалга оширилади.
Ёнилғи-энергетика ресурслари ва сув истеъмолининг базавий қийматлари қуйидаги қоидалардан келиб чиқиб аниқланади:
умумий ҳолда солиштирма кўрсаткичнинг базавий қиймати ҳақиқий қийматга тенг деб қабул қилинади;
агар солиштирма кўрсаткичнинг ҳақиқий қиймати объект учун ҳисобланган қийматдан юқори бўлса, солиштирма кўрсаткичнинг базавий қиймати ҳисобланган қийматга тенг деб қабул қилинади;
солиштирма кўрсаткичнинг ҳақиқий қийматлари бўлмаганда, базавий қиймат сифатида ҳисобланган қиймат қабул қилинади.
Ташкилотнинг и объектида ресурс истеъмоли ҳажмининг базавий қиймати ресурсни истеъмол қилишнинг солиштирма кўрсаткичининг базавий қийматидан (риб) келиб чиқиб ҳисобланади:
Wib = rib * Fi * tib,
Бу ерда tib — ресурс истеъмолининг ҳисобланган вақт даври.
Ташкилот томонидан ресурс истеъмол қилиниши ҳажмининг жами базавий қиймати ташкилотга тегишли алоҳида объектларда ресурс истемоли ҳажмларининг хусусий қийматларини жамлаш асосида аниқланади.
Ташкилотнинг ресурсни истеъмол қилганлик учун тўловлар бўйича лимитлари қуйидаги тарзда ҳисоблаб чиқилади:
Sl = T · Wb · k + S,
Бу ерда Т — истеъмол қилинадиган ресурс учун амалдаги тариф; Wb
— ресурс истеъмол қилинишининг базавий қиймати; k — ресурсни тежаш топшириғидан келиб чиқиб, ресурс тежалишини белгилаб берувчи коэффициент; S — энергия тежамкорлиги таркиби.
Паспорт бюджет муассасаси ва ташкилоти томонидан ҳар йили ҳисобот йилидан кейинги йилнинг 1 январи ҳолатига тузилади.
Янги ташкил этиладиган бюджет муассасалари ва ташкилотлари паспортни давлат рўйхатидан ўтиши санасига тузади.
Паспорт бюджет ташкилоти ва муассасасининг қайта ташкил этилиши ёки тугатилиши пайтигача амал қилади.
Бюджет маблағлари олувчилари белгиланган шаклда тўлдирилган Паспортни келишиб олиш учун молия органларига (Молия вазирлигига) тақдим этишлари шарт.
Молия органлари (Молия вазирлиги) кўриб чиқиш учун қабул қилинган Паспортларнинг тўлиқлиги ва ундаги маълумотларнинг ишончлилигини, шунингдек белгиланган шаклларнинг ўрнатилган талабларга мувофиқлигини текширади, бюджет муассасалари ва ташкилотлари паспортларини тасдиқлайди, бюджет муассасалари ва ташкилотлари паспортлари реестрини шакллантиради.
Юқорида баён этилган барча ўзгаришлар, янгиликлар ва механизмлар бюджет маблағларининг мақсадли сарфланишини таъмин- лашга, бюджет маблағларининг уларнинг сўнгги истеъмолчиларига етиб бориш йўлларини осонлаштиришга, бу йўлда бюджет маблағларининг йўқолиб кэтишига йўл қўймасликка, бюджет ташкилотларининг уларга мол етказиб берувчи контрагентлар билан муносабатларининг очиқ-ойдин, шаффоф бўлишини таъминлашга, барча бюджет ташкилотларининг
электрон аукцион савдолар тизимида тенг ҳуқуқли ҳамкор сифатида иштирок этишини енгиллаштиришга хизмат қилиши шубхасиз.
