Олий ва ўрта махсус таълим

ҳисоб-китоб-клиринг палатаси – биржанинг буюртмачилар ва етказиб берувчиларнинг аванс тўловларини депонентга қўйиш ва ҳисобга олиш йўли билан контрактлар бўйича мажбуриятларни бажаришга қодир бўлган буюртмачилар ва етказиб берувчиларни электрон аукцион савдоларга қўйишни таъминлайдиган таркибий бўлинма;
ҳудудий молия органлари – Қорақалпоғистон Республикасининг Молия вазирлиги, вилоятлар ва Тошкент шаҳар ҳокимликларининг молия бошқармалари, туманлар ва шаҳарлар ҳокимликларининг молия бўлимлари.
Ҳукумат комиссияси – давлат харидлари бўйича Ҳукумат комиссияси;
Ҳукумат комиссиясининг ишчи органи – Ўзбекистон Республикаси Молия вазирлиги Ғазначилиги;
жамланма харажатлар сметаси – юридик шахс мақомига эга бўлмаган ва тегишли давлат бошқарув органлари ҳузуридаги марказлаштирилган бухгалтериялар ва тегишли ҳокимиятларнинг бухгалтериялари томонидан хизмат кўрсатилаётган ташкилотлар бўйича тузиладиган молиявий ҳужжат;
контракт – савдолар натижалари тўғрисида электрон тизим томонидан шакллантирилган, шартнома кучига эга бўлган протокол;
контрактни рўйхатдан ўтказиш – томонлар имзолаган контрактни тузилган контрактлар реестрига биржа томонидан киритиш;
марказлашган тадбирлар учун смета – вазирликлар, идоралар ва ҳокимиятлар бошқармалари ва бўлимлари томонидан марказлаштирилган ҳолда амалга ошириладиган харажатлар бўйича тузиладиган ва ҳар бир марказлашган тадбир учун алоҳида ишлаб чиқиладиган режа – молиявий ҳужжат;
махсус ахборот портали – биржанинг буюртмачиларнинг электрон аукцион савдолар ўтказиш тўғрисидаги эълонлари ва харид жараёни қатнашчилари учун зарур бўлган бошқа ахборот жойлаштирилиши ва кўздан кечирилишини таъминлайдиган махсус сайти;
молия йили – биринчи январдан ўттиз биринчи декабр куни охиригача бўлган вақтни ўз ичига олувчи давр;
молиявий мажбурият – бюджет ташкилотларида ва бюджетдан маблағ олувчиларда уларга пул маблағларини ўтказиб бериш мажбуриятини юкловчи ҳужжатлар, шу жумладан ижро ҳужжатлари асосида юзага келадиган мажбуриятлар;