Олий ва ўрта махсус таълим вазирлигининг 2022 йил " 27 " июлдаги

I
.
КИРИШ 
Ушбу махсус курс тингловчиларда медиа ва ахборот саводхонлиги, 
инфоэтикани шакллантиришга хизмат қилади. Бугунги ахборот асридаги шиддатли 
ва мураккаб жараёнлар ахборот макони глобаллашуви, сўз эркинлиги 
таъминланиши, оммавий коммуникациянинг кучайиши, шунинг баробарида 
ОАВнинг манипулятив таъсири ошишига хизмат қилмоқда. Шундай шароитда 
профессионал журналистлар тайёрлашда журналистика таълим йўналишида таҳсил 
олаётган талабаларнинг ахборотдан баҳрамандлик, ундан тўғри фойдаланиш, 
ишончли ахборот манбаларини аниқлаш бўйича билимларни эгаллаши — 
медиасаводхон бўлишига эътибор қаратиш зарур.
“Медиа ва ахборот саводхонлиги бўйича махсус курс” медиаматнларни таҳлил 
этиш, танқидий қабул қилиш ва яратиш, ахборот манбаларини, контекстда ахборот 
узатувчиларнинг сиёсий, ижтимоий, тижорий ёки маданий манфаатларини 
аниқлаш, медиа маҳсулотлар аҳамиятини изоҳлаш, ўз шахсий медиаматнларини 
яратишга мувофиқ келувчи ўзга медиаматнларни танлаш ва унга қизиқувчи 
аудиторияни топа оладиган малакали мутахассисларни шакллантиришни кўзда 
тутади.
 
II
. 
Махсус
ўқув курсининг мақсади ва вазифаси 
Фанни ўқитишдан мақсад – тингловчиларда медиа ва ахборот саводхонлиги 
тушунчаси, унинг концептуал асослари, медианинг пайдо бўлиши демократик 
жамиятда тутган ўрни, шаклланиши ва тараққиёти тенденциялари тўғрисида илмий 
тушунча ҳосил қилиш, медиасаводхонлигини оширишдан иборат.
Фаннинг вазифаси – тингловчиларда миллий маънавиятимизни ахборий 
таҳдидлардан асраш, назарий билимларни эгаллаган ҳолда ахборотларни таҳлил 
этиш, ахборотларнинг манбаси, мақсади, фойдаланган медиа усулларни аниқлаш, 
глобаллашув шароитида ахборий маданият заруратини тушуниш, ОАВ аҳолининг 
медиасаводхонлигини 
оширувчи 
восита 
сифатидаги 
ролини 
билиш, 
медиатаълимнинг вазифалари, принципларини ўзлаштирган ҳолда реаллик ва 
репрецентациянинг мослиги ёки қарама-қаршилигини аниқлай олиш, анъанавий ва 
электрон ОАВда узатилаётган ахборотнинг таъсирини тасаввур қилиш бўйича 
амалий кўникмалар шакллантириш.