Олий ва ўрта махсус таҳлим вазирлиги ўзбекистон республикаси қишлоқ хжалиги вазирлиги

Омборларни метил бромид билан фумигация қилиш
Метил бромид фумигация қилинадиган хонага ташқарига ўрнатилган баллонлардан юборилади. Суюқ метил бромид дераза, ешикнинг, деворнинг шипи остидаги тешиклардан хонага киритилган резина ёки жез трубалар орқали юборилади. Метил бромид баллондан чиқиши биланоқ буғга айланади ва ҳаводан 3,3 марта оғир бўлгани туфайли дархол пастга тушади. Хонада метил бромид буғининг ҳамма жойда, хусусан катта обектларда, бир хилдаги консентрациясини хосил қилиш учун хона ичига газни ҳаво билан яхши аралаштирадиган вентиляторлар ўрнатилади. Метил бромиднинг керакли миқдори махсус ўлчагич асбоб—ВЕК-5 ёрдамида ўлчанади ёки тарозида тортилади. Бунинг учун 50 кг хажмли баллон катта тарозига қўйилади, ундан заглушка олиниб унинг ўрнига газ ўтказгич най улаб бураб қўйилади ва баллон тортилади. Баллоннинг оғирлиги аниқлангандан сўнг, ундан фумигация учун керакли метил бромиднинг оғирлиги чиқариб ташланади ва шу нуқтага тарози посангиси тўғриланади. Шундан сўнг баллоннинг маховигини бураб очиб (агар-вентилнинг очилиши қийин бўлса, уни бирор темир билан уриб очиш керак емас), тарози посанги қилинган жойга кўтарилгунча метил бромид чиқарилади, сўнгра вентил тездан беркитилади, 5 минутдан сўнг газ ўтказгич ажратилади ва баллон олинади. Омборларни ва айрим маҳсулотларни фумигация қилиш 12-жадвалда келтирилган (45-расм).

45-расм. Омборларни метил бромид билан фумигация қилиш
Кичик партияли донларни фумигация қилиш
Озиқ-овқат ва ем бўладиган донларнинг идишда сақланган ёки ўйиб тўкилган кичик партиясини метил бромид билан фумигация қилиш мумкин. Фумигация омборларда, камераларда, катта қутиларда ва брезент остида қилиниши мумкин. Қоплардаги донни фумигация қилиш учун қопли донлар баландлиги 2—2,5 м қилиб тахланади ва газ яхши ўтиши учун тахланган қоплар оралиғида ва қоплар билан девор ўртасида бўш жой қолдирилади. Дон ғарамларини фумигация қилишда ғарамларнинг баландлиги 0,75—1 метрдан баланд бўлмаслиги керак. Метил бромид баланд ғарам донлар орасига яхши киради. Заҳарлар бўш омборларни фумигация қилиш бобида тасвирланган расмий усулда юборилади. Заҳарларни турига қараб сарф қилиш нормаси ва фумигация експозицияси 12-жадвалда берилган.