SIFAT DARAJALARI
Belgining ortiq yoki kamligi jihatidan farqlanishi sifat darajalari, shu ma’noni ifodalovchi shakllar esa daoaja shakllari deyiladi. Sifat darajalari to`rt xil:
Oddiy daraja. 2. Qiyosiy daraja. 3. Orttirma daraja. 4. Ozaytirma daraja.
Oddiy daraja – belgining odatdagi me’yorini bildirib, boshqa sifat darajalari uchun asos bo`lib xizmat qiladi. Oddiy daraja maxsus ko`rsatkichga ega emas: yaxshi, qiziq, ulkan, chiroyli, yomon, oq, qora, zerikarli.
Orttirma daraja – belgining me’yordan ortiq ekanligini bildirgan sifat shakli bo`lib, quyidagi usullar bilan yasaladi.
sintaktik usul: oddiy darajadagi sifat oldidan juda, g`oyatda, nihoyatda, eng, jiqqa, xo`l, g`irt, o`lguday, tim kabi so`zlarni keltirish orqali yasaladi: juda ayyor, jiqqa ho`l, o`lguday ziqna, eng katta, g`oyatda chiroyli, g`irt yolg`on;
fonetik usul: sifatning birinchi bo`g`inini tovush o`zgarishi orqali takrorlab qo`llash orqali yasaladi: kap-katta, qip-qizil, sap-sariq, ko`m-ko`k, bab-baravar.
Do'stlaringiz bilan baham: |