Олий ва ¤рта махсус таълим вазирлиги

LEKSIKOGRAFIYA

O`zbek tilining lug`atchilikka bag`ishlangan bo`limidir. Lug`atlar alifbo tartibida tuziladi va quyidagi turlarga bo`linadi:

1.Ensiklopedik (qomusiy) lug`atlar – bularda keltirilgan so`zlarning ma’nosi emas balki shu so`z bilan nomlangan voqelikka taalluqli ma’lumotlar beriladi: O`zbek milliy entsiklopediyasi.

2.Tarjima lug`atlari – ikki yoki undan ortiq tildagi so`zlarning qiyosiga bag`ishlangan lug`atlar, ya’ni tarjima lug`atlaridir: Ruscha-o`zbekcha, o`zbekcha-inglizcha, inglizcha-ruscha-o`zbekcha.

3.Lingvistik (filologik) lug`atlar – bular tilshunoslikning ma’lum bir bo`limiga, muammosiga bag`ishlangan bo`ladi: “O`zbek tilining imlo lug`ati”: “O`zbek tilining orfoepik lug`ati”: “O`zbek tilining izohli lug`ati”. Izohli lug`atda hamma so`zlarning ma’nolari qaysi tildan o`zlashganligi , ma’nolari izohlanadi.

O`zbek tilining izohli frazeologik lug`ati – iboralarning ma’nolari sinonimlari, variantlari beriladi. “O`zbek tilining chappa (ters) lug`ati”-so`zlar oxirgi harfi bo`yicha joylashtiriladi, qofiyadosh, bir xil qo`shimchali so`zlar aniqlanadi.

“O`zbek tili sinonimlari lug`ati”, “O`zbek tilining antonimlar lug`ati”, “O`zbek tilining etimologik lug`ati”- so`zlarning kelib chiqishi izohlanadi. “O`zbek tili omonimlari lug`ati”, “O`zbek ismlari lug`ati”, “Navoiy asarlari lug`ati”.