Олий ва ўрта махсус таълим вазирлиги “Туризм (фаолият йўналишлари бўйича)” йўналиши тингловчиси

II Боб. “АНИМАТОРЛИК ХИЗМАТИНИ ТАШКИЛ ЭТИШ” ФАНИНИНГ “ТУРЛИ ЁШДАГИ ТУРИСТЛАРГА МЎЛЖАЛЛАНГАН АНИМАЦИОН ДАСТУРЛАР” МАВЗУСИДАН ЭЛЕКТРОН ЎҚУВ МОДУЛИ ИШЛАНМАСИ
2.1. Ўқув фани дастурининг қисқача тавсифи

Хизмат кўрсатиш ва сервис соҳасини ривожлантириш даражасини янада ошириш, аҳолига янги замонавий ва сифатли хизмат турлари кўрсатиш, иқтисодий ўсишни таъминлаш ва аҳоли бандлик масаласини ҳал этишда хизмат кўрсатиш соҳасининг ролини кучайтириш мақсадида мамлакатимизда бир қатор ижобий ишлар амалга оширилмоқда.

Жумладан, Ўзбекистон Республикаси Президентининг 2017 йил
7 февралдаги ПФ-4947-сонли ― Ўзбекистон Республикасини янада ривожлантириш бўйича ҳаракатлар стратегияси тўғрисидаги Фармони билан тасдиқланган “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси”нинг Таълим ва фан соҳасини ривожлантириш йўналишида узлуксиз таълим тизимини янада такомиллаштириш, меҳнат бозорининг замонавий эҳтиёжларига мос юқори малакали кадрлар тайёрлаш сиёсатини давом эттириш, таълим ва ўқитиш сифатини баҳолашнинг халқаро стандартларини жорий этиш асосида олий таълим муассасалари фаолиятининг сифати ҳамда самарадорлигини ошириш, илмий-тадқиқот ва инновация фаолиятини рағбатлантириш, илмий ва инновация ютуқларини амалиётга жорий этишнинг самарали механизмларини яратиш¹⁹ каби белгиланган вазифалар дастуриламал бўлмоқда. 
Ушбу соҳага мутаҳассислар тайёрлаш сифатини тубдан яхшилаш, талабаларнинг керакли билим ва кўникмалар мажмуига эга бўлишини таъминлаш талаб қилинади.

«Аниматорлик хизматини ташкил этиш» фанини ўқитишдан мақсад - талабаларнинг аниматорлик хизмати моҳиятини очиб бериш, унинг ривожланиши, ҳозирги кундаги кўринишларини аниқлаб олиш, аниматорлик хизматининг иқтисодий, маънавий ва ижтимоий аҳамиятини ёритиб бериш, мамлакатимиз ва хорижий давлатларда аниматорлик бизнесининг йўлга қўйилганини ўргатиш ҳамда эгалланган билимлар бўйича кўникма ва малакаларни шакллантиришдир.

Фаннинг асосий вазифалари ушбу мақсаддан келиб чиққан ҳолда талабаларга фан бўйича ўқитиладиган асосий мавзулари ва уларнинг моҳиятини ўзлаштириш, фаннинг бошқа фанлар билан боглиқлигини аниқлаш ва бугунги шароитда оқилона бошқарув қарорларини қабул қилиш мақсадида, анимациянинг типологияси, тарихи, ижтимоий- маданий сервис ва туризмдаги ўрнини белгилаб бериш. Аниамация турлари ва анимация дастури таркибий қисмларини изохлашдан иборат. Шу билан бирга анимациянинг технологиясини ишлаб чиқиш билан бирга анимацион дастурини ишлаб чиқишдан иборат. Жумладан, ёш болалар, ўсмирлар, катталар ҳамда нуронийларга қаратилган анимацион дастурларни ўргатиш вазифа сифатида акс эттирилган. Бундан ташқари анимация дастурини меҳмонхона, ресторан, бар, музей, парк ва хиёбонларда ташкил этиш ҳақида чуқур билимларни эгаллаш ҳисобланади.