Олий ва ўрта махсус таълим вазирлиги ўрта махсус, касб-ҳунар таълими маркази тадбиркорлик ва бизнес асослари

3. Тadbirkorlik faoliyatini tashkil qilish

Keyingi o‘n yil mobaynida Jasur kichik posyolkada yashardi. Aholisi chamasi

275 kishi bo‘lgan bu maskan uncha katta bo‘lmagan ko‘lning sohilida joylashgandi. Bu joylar ov va baliq tutish uchun juda mos. Posyolkani tashqi dunyo bilan yagona tor va qing‘ir-qiyshiq eski yo‘l bog‘lab turadi. Bahorgi va kuzgi jadal yog‘inlar bu yo‘llarning ayrim joylaridan o‘tishga imkon bermasdi. Posyolkaga yangi yo‘l tortilmoqda va uni yaqin to‘rt oy ichida tugatish mo‘ljal- langan. Yangi yo‘l qurilishi bitishi yaqinlashgan sari, Jasurning xayoliga turistik anjomlar bazasini yaratish fikri keldi. Sayyohlar bu yerga qiyinchiliksiz yetib olishlari mumkin. Ularning bu yerda ov qilib, baliq tutgan holda hordiq chiqarishi uchun sharoit yetarli.
Jasur korxonani qonuniy tashkil etish uchun o‘zi foydalanadigan yo‘l ustunligi va kamchiligini obdan ko‘rib chiqadi. U o‘z korxonasini xususiy korxona huquqiy shakli bo‘yicha, ya’ni yakka mulkdor sifatida ta’sis etish ayni muddao, chunki unga o‘ziga o‘zi xo‘jayin bo‘lish yoqardi. Тadbirkor 60 mln so‘m miqdorida mablag‘ to‘pladi va o‘z kichik korxonasini ochish uchun talab qilinadigan darajada qo‘shimcha pul qarz olishi mumkinligini bilardi.
Mas’uliyati cheklangan jamiyat tuzish imkoniyati ham ko‘rib chiqildi. Bir yoki ikki sherik ishni kengroq miqyosda tashkil etish uchun zarur bo‘lgan qo‘shimcha pul mablag‘ berib turishi mumkin. Ochiq aksiyadorlik jamiyati tuzish va aksiyalar sotish nazarda tutilgan imkoniyatlarning yana biri bo‘lishi mumkin edi. Jalb qilin- gan pul resurslari ko‘p bo‘lib, ularni rad etish zarurati yo‘q. Bunda Jasur miqyosli reklama kompaniyasini boshlash uchun yetarli mablag‘ga ega bo‘ladi.
Nihoyat, Jasur posyolkadagilar bilan gaplashib, ularning ochiq aksiyadorlik jamiyati tuzishga qanchalik qiziqishlarini o‘rgandi. Xususiy korxona yoki mas’uliyati cheklangan jamiyat shaklidan foydalangandan ko‘ra, korxona tuzish uchun jalb qilingan pul miqdori ancha ko‘p bo‘lishiga amin bo‘ldi. Buning ustiga posyolkadagilarning ko‘pchilik qismi ochiq aksiyadorlik jamiyati shaklida korxona tuzishdan foyda olishardi.

1. 
   Siz Jasurning o‘rnida bo‘lganingizda, korxonaga egalik qilishning qaysi shaklini tanlagan bo‘lardingiz?
   
2. 
   O‘z korxonasini tashkiliy-huquqiy shaklda tashkil etish borasida malakali qaror qabul qilish uchun Jasurga qanday qo‘shimcha ma’lumot kerak?