Олий ва ўрта махсус таълим

2-мавзу. Педагогик тадқиқотларнинг сифат ва самарадорлиги( 2 соат)

Вақти –6 соат	Талабалар сони: 5 – 10 нафар
Ўқув машғулоти- нинг шакли	Кириш, визуал маъруза
Маъруза машғулотинин г режаси	Педагогик тадқиқотларнинг самарадорлиги ва унинг тавсифлари. Педагогик тадқиқотларнинг сифати ва унинг кўрсаткичлари. Педагогик тадқиқотнинг асосий натижалари.
Ўқув машғулотининг мақсади: Магистрант талабаларга педагогик тадқиқотларнинг самарадорлиги ва сифатини ҳамда уларнинг

35

тавсифларини айтиш ва асосий натижалари нимадан иборат эканлигини кўрсатишдан иборат.

Мазкур мавзуда педагогик тадқиқотларнинг сифати ва самарадорлиги деганда нимани тушуниш кераклиги баён қилинади. Педагогик тадқиқотнинг ушбу омиллари нималарга боғлиқ эканлиги айтилади. Натижада магистрантлар ўз диссертация мавзуларини танлашда ва бажаришда ушбу омилларни ҳисобга олиши ва амал қилиши кераклиги тушунтирилади

Илмий тадқиқотнинг самарадорлигини иқтисодий ва социал ёки ижтимоий нуқтаи назардан қараш мумкин.
Иқтисодий самарадорлик – тадқиқот натижасида эришилган ютуқ билан, унга эришиш учун кетган сарф-харажатнинг фарқи ёки айирмаси билан аниқланади. Бошқача айтганда, тадқиқотнинг самарадорлиги, келтирилган фойда билан уни ўтказишга кетган сарф-харажатни таққослаш орқали аниқланади.
Педагогик тадқиқотнинг ижтимоий самарадорлиги – таълим, тарбия, маданият, ёшларнинг касбий тайёргарлиги, уларнинг баркамол ривожланишини ўсиши, жамиятдаги салбий ҳодисаларни йўқотилиши яъни ўзлаштирмайдиган ва қоида бузувчи ўқувчиларнинг камайиши, ақлий ва жисмоний меҳнатнинг мутаносиблиги, фойдали малака ва одатларнинг шаклланиши, тарбияланганликнинг юқори даражада бўлиши, онгли ва ахлоқлилиги билан белгиланади.