Олий таълим тизими педагог ва раҳбар кадрларини қайта

Тест топшириқларини апробациядан ўтказиш-
ўқув курси бўйича талабалар 
томонидан ўзлаштирган билим, кўникма ва малакаларини аниқлаш мақсадида 
тузилган тест топшириқлари амалиётга қўллашдан олдин муайян гуруҳларда 
апробациядан ўтказиш, уларни амалиётда қўллаш учун зарурий шарт саналади. 
Апробация олинган натижалар миқдор ва сифат жиҳатдан таҳлил қилиниши, 
талабалар томонидан йўл қўйилган типик камчиликларнинг олдини олиш чора-
тадбирларини белгилаш, мабода тест топшириқларининг жавобларида хатоликлар 
бўлса, уларни бартараф этиш имкониятини беради. 

---

78 
Ўқув курси бўйича маълумотлар базасини шакллантириш- 
ўқитувчи ўзи 
ўқитадиган курс бўйича боблар ва мавзулар бўйича аввал саволлар тўплами ва 
уларнинг жавоблари, кейин савол ва жавобларни боб ва мавзулар бўйича 
рақамлаб чиқиши, ушбу рақамлар асосида тест топшириғи ва уларнинг 
паспортини шакллантириши лозим. Ушбу материаллар мажмуаси маълумотлар 
базасини ташкил этиб ва ўқув курси бўйича ишлаб чиқилган ўқув-методик 
мажмуанинг асосий таркибий қисми саналади. Ўқитувчи маълумотлар базасидан 
ўрин олган тест топшириқларини саралаб, уларни жорий, оралиқ ва якуний 
назоратда фойдаланиш мақсадида гуруҳлайди. 
Ўқув курси бўйича тест топшириқлари банки-
битта ўқув курси бўйича турли 
муаллифлар томонидан шакллантирилган тест топшириқлари ўқув мақсадларга 
мувофиқ, умумий тартибга солинган, апробациядан ўтказилган, қийинчилик 
даражаси турлича бўлган тест топшириқлари мажмуаси бўлиб, талабаларнинг 
тайёргарлик даражасини объектив назорат қилиш ва аниқлаш имконини 
берадиган дидактик восита. 
Тест топшириғининг валидлиги-
таълим-тарбия жараёнидаги ўқув мақсадлари 
асосида тузилган тест топшириғи шу мақсадни ҳаққоний аниқлай олиши, тестни 
амалиётга жорий этиш орқали олинган натижаларнинг ишончлилигини 
белгиловчи тавсиф, яъни тест топшириғи мазмуни ва шакли жиҳатдан тестни 
ўтказиш мақсадлари ва синалаётган ўқув материали мазмунига мувофиқ келиши 
тушунилади. Шуни қайд этиш керакки, талабалар томонидан тест 
топшириқларини муваффақиятли бажарилиши, уларнинг муайян ўқув 
материалини талаб даражасида ўзлаштирганлик эҳтимоли юқори эканлигидан 
далолат бериши лозим. Тест топшириғининг валидлиги юқори бўлса, тест 
синовидан олинган натижалар асосли ва уларни амалиётга жорий этиш мақсадга 
мувофиқ бўлади.