Олий таълим йўналишлари ва мутахассисликларининг давлат таълим стандартлари асосида фанлар бўйича ўқув дастурларини ишлаб чиқиш ва татбиқ этиш Тартибига

1.O‘quv fani o‘qitilishi bo‘yicha uslubiy ko‘rsatmalar.
“Dasturlash asoslari” fanining bosh maqsadi talabalarga qo’yilgan masalani yechadigan kompyuter dasturini tuzish asoslarini o’rganishdir. Shu maqsadda dasturlash tillari va muxitlari xaqida tayanch tushunchalar beriladi va bu tillardan foydalanishga o’rgatiladi. Dasturlash tili – tuzilgan algoritmni kompyuter amalga oshirishi uchun vositadir. Bu o’rinda turli murakkablikdagi sintaksis va semantikaga ega bo’lgan tillardan foydalanish mumkin. Dasturlash uchun C++ tili tanlangan.

Dasturlash asoslari fani umumkasbiy fan xisoblanadi va o’quv yilining 1-2 semestrlarida o’qitiladi. Fanni o’qitish ma’ruza, amaliy va mustaqil ta’lim shaklida olib borildi.

Fan bo‘yicha talabalarning bilim, ko‘nikma va malakalariga qo‘ydagi talablar qo‘yiladi. Talaba:

zamonaviy axborot texnologiyalari, ma’lumotlarni saqlash va izlash vositalari, kompyuter tarmoqlari, dasturlash tillarining umumiy xarakteristikasi, dasturlashning nazariy asoslari, yuqori darajali dasturlash tillarida dasturiy ta’minotlarni yaratish vositalari, effektiv algoritmlash va dasturlash metodlari, obyektga yo’naltirilgan va umumlashgan dasturlash, modulli dasturlashni bilishi kerak;

global kompyuter tarmoqlarini, yuqori darajadagi dasturlash tillarini, qo’yilgan masalani formallashtirishni, dasturiy ta’minotni yaratish uchun turli operatsion tizimlar va muhitlarni tanlashni, zamonaviy dasturlash texnologiyalariga asoslangan holda dasturiy ta’minotlarni yaratish, testdan o’tkazish, sozlash va shakllantirishni, obyektga yo’naltirilgan dasturlash usullarini, amaliy dasturlar kompleksini yaratish usullarini ko‘nikmalariga ega bo‘lishi kerak;

amaliy masalalarni yechish algoritmini tuzish, matematik modelini qurish, dasturiy ta’minotini yaratish, strukturali, obyektga yo’naltirilgan va umumlashgan dasturlash paradigmalarini qo’llash asosida ilovalarni yarata olish, dasturiy ta’minot imkoniyatlaridan samarali foydalanish, muammoga va obyektga yo’naltirilgan tillardan foydalanish, yaratilgan ilovalarni baholash malakasiga ega bo‘lishi kerak.