Олабўжи романдан катта хикоя

урсанг – сув чиқади. 
Ултон ўша зиндонларни бу ҳужрага қиёслаб, синиқиб жилмайди. 
Кейин унга шундай туюлдики, бу темир эшик бўлмаса... 
... бу ерда бемалол яшаш мумкин: ҳа-ҳа, ўқийсан-ишлайсан, сўнгра 
чиқиб, саксовулзорга оралайсан: ўтмишингни эслаб, кўзда ёш билан 
мангу хаёлларга толасан. 
Кейин бирдан тоғларга... 
“Тоғларга!..” 
Бу ерда неча кун туришига ақли етмай ва ўша муддат фақат 
анави... 
... оғасига боғлиқдек: 
– Берди ака, ўтиринг энди, – деди. 
– Хўп, азизим! – Дўхтир қора сандиғини ёпиб қулфлади-да, келиб 

---

484 
курсига ўтирди. Ултонга шодон боқиб: – Яна битта ўпай! – деди. 
Ултоннинг ўзи ҳам уни қучиб ўпаркан, бу макондан тезда 
чиқишига заррача гумони қолмади: ахир, Ултон – соғ! Соппа-соғ! 
Фақат кеча... 
– Марҳамат. – Берди дўхтир халати киссасидан” «БТ” чиқариб 
тутди. 
– Сиз ҳам зўр-ку! – Ултон сигаретни лабига қистиргунча Бердиқул 
гугурт чақди. 
– Бу дунёда зўр бўлмасанг, шўр бўласан, депти доно халқимиз! – 
Берди бирдан ўйчан тортиб, эшикка тикилди. – Пастда бир домла бор. 
Ўзларини Чўлпон дейди... Ҳа, шунга ишонадилар. 
Ултон “Навоий” институтидан “йўқотилган” адабиётшунос 
олимни эслади. 
– Шу кишиям чекадилар, – давом этди Бердиқул. – Кайфини 
билмасалар ҳам.... Кейин куладилар: “Чекинг бу Эпохами, кули кўкка 
соврилсин!” 
Ултон Чўлпон билан Файзулла Хўжаев ўртасида бир мулоқотда 
айтилган бу “сатр”ни институтда ўқиб юрган чоғларидаёқ эшитган эди. 
Бердиқул ўша воқеани айта бошлади: 
– Шоир Чулпон дўконга кириб қолсалар, Файзулла Хўжа ўғли 
билан содда президент Йўлдош Охунбобо ўғли ҳам ўша ерда экан.