Олабўжи романдан катта хикоя

ичимлик кетди! Мева-чева ҳисобсиз... Демак, улар йиллар давомида 
йиғишган экан-да? 
– Келинжон, бир илтимос бор, – деб қолди Мунди. – Менгаям бир 
салом беринг. 
– Аввал кўрманани чиқарасиз, – деди Баҳор дангал. – Сизларни 
“номи улуғ – супраси қуруғ” дейишади! 
– Қойилман! – хитоб қилди Мунди. – Бу келин ҳамма нарсани 
билади! 
“Айниқса... – дилидан ўтди Ултоннинг, – айниқса, арбобларни... 
Эй, бу чиққан оила қандай экан? – Ултон дарҳақиқат Баҳорнинг 
тарбия топган муҳитига қизиқиб қолди: отаси маълум... Укасиям... 
Йўқ, энг муҳими, рўзғорлари қандоқ экан? Умуман, Баҳор районда 
эмас, шаҳарда... шаҳарнинг ҳам, айтайлик, киборлар истиқомат 
қиладиган маҳалласида камол топганга ўхшайди! 

---

380 
Унча-мунча нарсани назарига илмаса: ўша оқшом ичилмаган 
коняк билан “Золотое руно”ни ортиқча нарсадек ташқарига отворди... 
Мебел-себелниям бемалол ташлаб кетишини айтди... 
...Лекин Бўтабой Сўпи Баҳорнинг феълини билгандек, ўша 
нарсаларни совға қилиб юборди”. 
Тағии бир нарса Ултоннинг ёдига тушиб кетди-ю, ўз-ўзидан уялиб, 
эътиборини даврага қаратди: нима дейишяпти булар? 
У “нарса” келиннинг сепи эди. 
Рост, бу вилоятда келиндан катта сеп олиш, уни ёйишу қўни-
қўшниларнинг кириб томоша қилишлари – деярли урф эмас: шу 
жиҳатдан бу эл туркманларни эслатади. 
Бироқ келин “ошиб-тошиб” келсаям – “қаршилик” йўқ: нур 
устига нур. 
Баҳор ниҳояти... 
...ўша чарм чамадон билан келган, ундаги матоҳлар ҳам – ўзининг 
кийим-кечаклари эди. 
Балки яна нималардир бордир: масалан, беш-ўнта қўлрўмол... 
– Менинг шогирдим-ку бу? Билади-да, – деди Дунё. – Нима, сиз