Олабўжи романдан катта хикоя

райкомнинг вакили сифатида текшириб, бор кам-кўстини ёзиб келасан... 
Хўш, қолган мана шу ўн-ўн беш кунда нималар қилиб улгуриш мумкин, 
ана шу томонлариниям ўйлаб ёзасан. – Ниҳоят оғир бир юмушдан 
қутулгандек бўлиб, Ултонга ҳорғин кўз тикди. – Нега бақрайиб 
қолдинг? 
Ултон ҳайратда эди. 
– Домлажон... 

---

23 
– Ноқулайми... 
 
– Йўқ. 
– Барибир... Район партия комитети – районнинг эгаси! Хоҳлаган 
одаммни, кадрини чақириб, хоҳлаган ишини буюради... Буни тушунсанг 
керак? 
– Албатта. 
– Раҳма-ат. Сени опкелган мошина пастдами? 
– Пастда. 
– Эртага соат ўн бирда кутаман. 
– Хўп... 
– Ҳозирча гапимиз шу... Ҳим, отанг тоғдадир? 
– Ҳа. 
– Сен ҳам Оқсувда яшайверасанми? 
Ултон сергак тортиб кетди. 
– Албатта, – деди. 
– Ғалати чиқдинг-да. Яқинда редакцияга кирган эдим, сени 
сўрашди. У тарки дунё қилган, дедим. Зоҳид, дедим... Айтмоқчи, қачон 
уйланасан-а, қачон? Уялади бу киши?.. 
Ултон сув остидан чиққандай, кўксинин қабартиб нафас олди. 
– Бир кун... 
– Машраб яхши айтган: 
 
“Машрабо, ёр ҳизматини айла жону дил била.
 
Ушбу даврон ҳам ғанимат, олмағайди кошки”. 
Эшитдингми? 
– Гўзал шеър, – деди Ултон бу одамнинг дидига яна ичдан тан 
бериб. 
– Йўқ, сен эътибор қил! – Қўчқоров шубҳасиз шеър бобида гурунг 
қилишидан завқ олар, бу йўриғда ўзининг зукколигини намойиш 
этишни истарди. “Ушбу даврон ҳам ғанимат, олмағайди кошки!” – Так 
что, яшаш учун шошилиш ҳам керак, мулла... Нечага кирдинг? 

---

24