Оив инфекцияси тушунчалари, этиологияси, эпидемиологияси, лаборатор диагностикаси, патогенези, клиникаси, даволаш принциплари, профилактикаси хамда харакатдаги конуний меъёрий хужжатлар

ОИВ инфекциясининг профилактикаси:

• ОИВ инфекциясининг олдини олишда махсус ва тезкор профилактик воситалар (вакцина) йўқлиги сабабли, умумий характерга эга бўлган профилактик чора-тадбирлар мухим ахамият касб этади. Ўтказиладиган чора-тадбирлар асосан аҳоли орасида, айниқса касаллик юқишини хавфи юқори бўлганларга қаратилган бўлиши керак. Улар орасида ОИВ инфекцияси бўйича тушунтириш ишларини олиб бориш лозим.
• ОИВ инфекцияси юқишининг олдини олиш борасида чора-тадбирларни амалга оширишни ахолининг барча қатлами ўртасида, айниқса ёшлар орасида, соғлом турмуш тарзини тарғиб қилишдан бошлаш зарур. Шунингдек, ОИВ инфекцияси юқишининг олдини олиш, касалликдан сақланишда хавфли гурухга мансуб шахсларнинг хулқ-атворини яхши томонга ўзгартириш учун уларга соғлом турмуш тарзини тарғиб қилиш зарарли одатлардан ( чекиш, алкагол исътемол қилиш, наркотик моддаларни инъекция йўли билан қабул қилиш) воз кечиш тўғрисидаги тушунтириш ишларини олиб бориш мақсадга мувофиқдир.
• Аҳоли орасида мактабларнинг юқори синф ўқувчилари, лицей, коллеж ва олий ўқув юртлари талабалари ўртасида тарғибот- ташвиқот, санитария-оқартув ишларини олиб бориш, қолаверса, телевидение, радио, газета ва журналлар орқали ОИВ инфекцияси тўғрисида кўпроқ маълумот берилиши керак. Ахоли ва ёшлар орасида маънавий-маьрифий тадбирлар орқали уларни ОИВ инфекциясининг олдини олишга даъват этиш, ихтиёрий маслахат ва тиббий текширувдан ўтказишни кенгайтириш зарур.

Парентерал йул орқали юқишнинг профилактикаси

• ОИВ билан касалланган бемор билан битта шприцдан фойдаланишдан воз кечинг
• Татуировка, пирсингдан воз кечинг
• Индивидуал ёки янги бритва ва тиш чўткалардан фойдаланинг
• Тиббий инвазив муолажаларда факат бир марталик ёки яхши стерилланган асбоблардан фойдаланинг
• ОИВ га текширилмаган қон ва қон препаратларидан фойдаланманг