Оила кутубхонаси бахтли бола маънавияти

дунёдаги барча халқларга тинчлик-омонлик, бахту саодат 
тилаётган сиймоси 
акс эттирилса, мақсадга мувофиқ бўлади”, деганлар. 
 
Икки ҳайрат орасида 
2014 йил Самарқандда бўлиб ўтган “Ўрта асрлар Шарқ алломалари ва 
мутафаккирларининг тарихий мероси, унинг замонавий цивилизация 
ривожидаги роли ва аҳамияти” мавзуидаги халқаро конференция 
иштирокчиси, Рим университети профессори Луижи Аккардининг Амир 
Темур мақбарасига термилиб: “Дунёнинг жуда кўп мамлакатларида 
бўлганман. Аммо Ер юзини етти марта айлангандан кўра Самарқандни бир 
бора кўрган афзал экан”, деди ҳайратини яшира олмай. 
Соҳибқирон Оқсарой пештоқига 
“Қудратимизни билмоқчи бўлсангиз, 
қурган биноларимизга боқинг”
, деган даъватни ёздирган. Бу даъватда 600 
йилдан буён одамзодни ҳайратга солаётган ва яна ҳайратга соладиган тилак 
ва башорат бор.
Бу даъват кимга қаратилган? Баъзилар ажнабийлар учун, дейишади. 
Бизнингча эса бу даъват биз - Ўзбекистонликлар учун ёзилган. Болаларим, 
аждодларингиз кимлигини зинҳор унутманг. Уларни эсласангиз, 
қўмсасангиз, ёд этсангиз, соғинсангиз, кўрмоқчи бўлсангиз, биз қурдирган 
иншоотларга тикилинг. Ўйланг. Ана шунда сиз боболарингиздаги чексиз 
қудрат, салоҳиятни кўрасиз, туясиз. Бу қудрат сизларга ҳам ўтади ва албатта 
сиз буюк ишларга қодир бўласиз, демоқда гўё.
Кези келди, айтайлик, биз мустақиллик йилларида қурилган иншоотлар 
Соҳибқироннинг орзулари ушалганини тасдиқлаб турибди. Мисол учун, 
аввало ўз халқимиз, қолаверса, юртимизга келаётган миллионлаб 
хорижликлар икки ҳайрат орасидалар. Бири – кечанинг қаршисидаги ҳайрат. 
Иккинчиси – бугуннинг қаршисидаги ҳайрат.
 
Интернетдаги ёзувлар

---

29 
Мустақиллик, Ўзбекистон равнақи шарофати билан Амир Темур шахси, 
даҳоси, унинг инсоният тарихидаги ўрни қайта англаниб, қайта 
тушунилмоқда. Бу эса Интернет оламида Амир Темур шахси, унинг буюк 
маънавияти қайта англанмоқда. Блогерлардан бири шундай ёзади: 
1.“Ҳозирги Ўзбекистоннинг тарихи бориб боғланадиган Темурнинг 
салтанати Олтин Ўрданинг алоқаларини қирқиб ташлади. Натижада собиқ 
Киев Русининг Москва князлиги ва бошқа ерлари озод бўлди. 2. Биз Олтин 
Ўрда улусларидан бири эдик. Кейинчалик Россия Империясига айландик. 
Бунинг учун Темур давлатидан бурчлимиз”. 
-
“Негадир Амир Темурнинг буюк бунёдкор, реформаторлиги ҳақидаги 
маълумотлар машҳур эмас. Ваҳоланки бунинг далиллари керагидан ҳам кўп.
Масалан, у ўзи эгаллаган шаҳарларга шикаст етказган бўлса, қайта 
тиклаган. Шикаст етмаган шаҳарларда ўзи тасдиқлаган лойиҳалар асосида 
янги иншоотлар қурдирган. Барча тадқиқотчилар “Темур қурдирган бинолар 
алоҳида ўзига хослиги, бежирим, нозик дидлилиги билан ажралиб туради. 
Темур қурдирган меъморий обидалар жаҳон маданияти хазинаси 
дурдоналаридир”, деган якдил фикрдалар. /Роман Шмидт (Амир Темур 
тўғрисидаги ҳужжатли фильм р