Oila huquqi tushunchasi predmeti. Oila huquqi maqsadi, vazifasi. Oila huquqi tarihi

Nazorat uchun savollar:

1. Xoldorova 2003 yil fevral oyida Norov bilan yashab, umumiy ro‘zg‘or olib borishgan. 2003 yil dekabr oyida u qizlik bo‘ladi. Shu yilning 17 avgustida esa Norov suvda cho‘kib vafot etadi. Xoldorova otalikni tan olish faktini o‘rnatish haqida sudga ariza bilan murojaat etadi.

Uning ko‘rsatishicha, marhum uning homiladorlik vaqtida o‘zini bolaning otasi ekanligini tan olib, unga ism qo‘yganligini bildiruvchi bir necha xatlar ham mavjud.
Xoldorovaning arizasini qondirish mumkinmi?
2. Mirzo Ulug‘bek tumani FHDYo bo‘limiga 15 yoshga to‘lgan Iqbolova noqonuniy tug‘ilgan farzandiga tug‘ilganlik haqida guvohnoma berilishini so‘rab murojaat qildi. FXDYo bo‘limi mudirasi Iqbolovaning hali to‘la muomala layoqatiga ega emasligini inobatga olib, ota-onasidan nabiralarining tug‘ilganligini davlat ro‘yxatidan o‘tkazishga roziliklari hamda uni tarbiyalashda ishtirok etib, moddiy jihatdan ta’minlashlari xususida yozma rozilik berishlari kerakligini uqtiradi.
Iqbolovaning ota-onasi bunga e’tiroz bildirib, qizlarining qilgan xatti-harakatlari ustidan norozi ekanliklarini bildiradilar va hech qanday moddiy va ma’naviy yordam bera olmasliklarini ta’kidlaydilar.
FHDYo bo‘limi mudirasining talablari o‘rinlimi? Voyaga yetmagan ota-onaning bolaga nisbatan qanday huquq va majburiyatlari mavjud?
3. 10 yil birga yashashganlaridan so‘ng er-xotin Murodovlar nikohdan sud tartibida ajrashdilar. Ularning to‘rt nafar voyaga yetmagan bolalari bo‘lib, ulardan ikki nafari erda va ikki nafari xotinda qolgan.
Er bilan qolgan farzandlari Madina va Muxtorlar o‘zlarining bobo va buvilarini sog‘inganliklarini va ular bilan ko‘rishish ishtiyoqida ekanligini otasiga aytganida, otasi bunga e’tiroz bildirib, ular bundan keyin hech qachon bobo va buvilari bilan uchrashmasliklarini aytdi. Shundan so‘ng sobiq er-xotinlar o‘rtasida bolaning ota-onasi va boshqa qarindoshlari bilan ko‘rishib turishi xususida nizo kelib chiqdi.