Оғиз бўшлиғи аъзолари ва юз-жағ соҳалари тўқималарини

Периферик остеобластокластома
–
гигант ҳужайрали эпулис.
Шикоятлар:
– 
одатда, тишлар атрофида оғримайдиган ўсма мавжудлиги-
га, овқат чайнаш ва тишларни ювиш вақтида қонаш юзага келишига шикоят 
қилинади. 
Клиник манзараси:
Оғиз бушлиғи кўздан кечирилганда, альвеоляр 
ўсиқнинг ҳар икки томонида жойлашган қизғиш рангли, кенг асосда жойлашган, 
нисбатан қаттиқ эластик консистенцияли шиллиқ парда билан қопланган ўсмани 
кўриш мумкин. Шиллиқ парда ўсманинг айрим қисмларида жароҳат сабабли 
яллиғланган, жойлашган тишлар қимирлаб, альвеоляр ўсиқнинг шакли шиш ту-
файли ўзгарганлиги кузатилади. 
504 

---

Қиёсий ташхис: 
марказий остеобластокластомани амелобластома, сурун-
кали деструктив ва продуктив остеомиелит, фиброз дисплазия, суяк гемангиома-
си, саркома билан солиштириб фарқланади. Периферик остеобластокластома ба-
нал эпулис ва милк локал фиброматози билан фарқлаб ташхисланади. 
Даволаш 
жарроҳлик усулида – қисман ёки тўлиқ резекция қилиш йўли би-
лан ўтказилади.Имконият қадар суякда пластик тиклов операцияси, кейинчалик 
ортодонтик даволаш ва рационал протезлаш ўтказилади. 
Десмопластик фиброма
– 
жағ суякларининг бирламчи ўсмаси. Тузилиши 
пайлар ва фасциал – апоневротик бириктирувчи тўқималардан ривожланадиган 
десмоидли ўсмаларга ўхшаш бўлганлиги учун десмопластик фиброма номини 
олган. Ўсма 5 ёшгача бўлган болаларда, асосан пастки жағда учрайди.
Шикоятлар: 
ота–оналар сабабсиз пайдо бўлган оғриқсиз ўсмага шикоят 
қиладилар. 
Клиник манзараси:
кичик ёшдаги болаларда тез ўсиб, 1–2 ой мобайнида 
ўлчамлари катта бўлиб кетади. Ўсма суякнинг устки қисмида ўсади. Устидаги те-
ри деярли ўзгаришсиз бўлиб, унинг ҳолати ўсманинг ҳажмига боғлиқ. Кичик 
ўсмаларда тери ўзгаришсиз, катталашиб кетган ўсмаларнинг устки тери қоплами 
юпқалашиб, оч пушти тус олади. Ўсма суякка ёпишиб, силжимайдиган бўлиб 
қолади. Пайпасланганда, қаттиқ – эластик консистенцияга эга, бир озгина 
оғриқли. Устини қоплаб турган шиллиқ парда ҳам юпқалашган, тўқ қизил кўким-
тир рангда бўлади.