Оғиз бўшлиғи аъзолари ва юз-жағ соҳалари тўқималарини

 
Лимберг усули бўйича хейлопластика босқичлари 
Операция майдонига ишлов берилганидан сўнг, лабда ўтказиладиган 
кесмалар бўёқ билан чизилади. Бунинг учун катта бўлакда дастлаб марказий (1) ва 
икки ён (2,3) нуқта белгиланади. Кичик бўлакдаги 4 нуқтани аниқлаш учун соғ 
томонда а масофа циркуль билан топилади ва кичик (латерал) бўлакда қизил 
ҳошия чизиғида шу масофа белгиланади. Нуқта тўғри белгиланганлигини 
текшириш учун, соғ томонида оғиз бурчагидан ён нуқтагача бўлган масофа (б) 
циркуль билан ўлчанади ва латерал бўлакда 4 нуқта жойи аниқланади. 
Нуқталардан ўтказиладиган кесмалар бўёқ билан чизилади (расм) а 
вазоконстрикторли анестетик юборилиб, лаб ҳажми катталаштирилади.
408 

---

Кемтик четларида яра ҳосил қилиш
Биринчи кесма катта бўлакда, 3 нуқтадан бошлаб қизил ҳошия чизиғи 
бўйлаб юқорига, бурун тўсиғи асосигача ўтказилади. 3 нуқтадан лабнинг қизил 
ҳошияси (0,6-0,7 см) кўндаланг кесилиб, бу кесма ҳам лаб чети бўйлаб, бурун 
тўсиғи асосигача етказилади вадастлабки кесма билан туташтирилади. Ҳосил 
юўлган, лаб четини шиллиқ пардадан иборат учбурчак шаклдаги лахтак олиб 
ташланади. Пайдо бўлган яра юзаси орқали оғиз айлана мушаги ажратилади. 
Бурун тўсиғининг асосидаги тери кўчирилиб, бурун қанотининг медиал қисми 
ўтмас усул билан бурун учигача ажратилади. Лаб қизил ҳошиясида 3 нуқтадан 
лаб дўмбоқчасига йўналган кесма ўтказилиб, яра ҳосил қилинади. Гемостаз 
ўтказилиб, кичик (латерал) бўлакда кесмалар бажарилади. Лаб қизил ҳошиясида 
Миро таклиф қилган кесмалар ўтказилиб, учбурчак шаклида лахтак ҳосил 
қилинади.
409 

---

Бурун қанотининг латерал асоси терисида Лимберг таклиф қилган 
кесмалар ёрдамида иккинчи учбурчак лахтак ҳосил қилинади. Кемтик четидаги 
лахтаклар орасидаги шиллиқ парда олиб ташланиб, яра ҳосил қилинади. Латерал 
бўлакдаги оғиз шиллиқ пардаси эркин сурилиши учун, ўтув бурмасида Лимберг 
таклиф қилган “кочерга”- “ ______

” 
( темир симдан ясалган косовни эслатувчи) 
шаклидаги кесма ўтказилади. Шиллиқ парда ажратилиб сурилади ва чоклар 
қўйилади. Латерал бўлак четидаги яра юзаси орқали айлана мушак ажратилади. 
Операцион яра чоклар билан қаватма-қават тикилади. Юқори лаб шакли 
анатомик тўғри чиқиши учун 3 ва 4-нуқталардан ип ўтказиб олинади, сўнг оғиз 
шиллиқ пардасига чоклар қўйилади. Кичик бўлакдаги Миро лахтаги, катта бўлак 
қизил ҳошиясидаги учбурчак шаклдаги ярага жойлаштирилиб, чоклар қўйилади. 
Бўлакларига учма-уч қўйилган чоклар билан оғиз айлана мушаги тикланади. 
Бурун қаноти остидаги тери лахтаги 90
0
бурилиб, бурун тўсиғи асосидаги яра
четига чоклар билан ўрнатилади. Остига, катта бўлакдаги учбурчак лахтак, бурун 
қанотидаги яра четига сурилиб, чоклар қўйилади ва бурун даҳлизи ҳосил 
қилинади. Сўнг лаб терисига чоклар қўйилади.