Оғиз бўшлиғи аъзолари ва юз-жағ соҳалари тўқималарини

Ёноқнинг катта ва кичик мускули 
(m. Zygomaticus major et minor)- 
ёноқ 
суяги, чакка суягининг ёноқ ўсиғидан бошланиб, оғиз бурчагининг териси (юқори 
томондан) ва лунжнинг шиллиқ қаватига ёпишади. Бу мускуллар хийла бақувват 
бўлиб, толалари юқоридан паст томонга йўналган. Бу мускуллар оғиз бурчагини 
юқорига ва ён томонга тортади, натижада юз табассум қилади, шунинг учун ҳам 
бу мускулни кулги мускуллари қаторига қўшиш мумкин. 
Кулги мускули 
(m. risorius)-
fasсiа parоtideа et massaterica дан бошланиб, 
оғиз бурчагига ёпишади. Бу мускул кўндаланг, заиф тутамлардан иборат (баъзан 
бўлмайди). Баъзи одамларда лунж терисига бирикканлиги сабабли, кулганда, 
лунжда чуқурча ҳосил қилади. У оғиз бурчагини латерал томонга тортади.
400 

---

Оғиз бурчагини пастга тортувчи мускул 
(m. depressor anguli oris)- 
пастки жағ суягининг пастки кирғоғи (tuberculum mentale) дан бошланиб, оғиз 
бурчагининг паст томонига ёпишади. Бу мускул учбурчак шаклга эга бўлиб, 
учбурчакнинг асоси оғиз бурчакларига йўналган. У оғиз бурчагини пастга 
тортади. 
Пастки лабни пастга тортувчи мускул 
(m. depressor anguli oris)- 
пастки 
жағнинг қирғоқлари (m. platizma ёпишадиган соҳаси)дан бошланиб, пастки лаб 
терисига ёпишади. Бевосита пастки жағ суягининг устида ётади, мускул толалари 
пастдан юқорига йўналган. У пастки лабни пастга ва бироз латерал томонга 
тортади. 
Оғиз бурчагини кўтарувчи мускул
(m. Levator anguli oris)
ёнок суягини 
пастки қиррасидандан бошланиб, оғиз бурчагининг юқори томонига ёпишади. 
Тўртбурчак шаклига эга бўлиб, катта ва кичик ёноқ мускуллари остида ётади, 
мускул тутамлари юқоридан пастга йўналган бўлиб, бир қисми оғизнинг айлана 
мускулига туташиб кетади. Бу мускул оғиз бурчагини юқорига тортади.