Оғиз бўшлиғи аъзолари ва юз-жағ соҳалари тўқималарини

Юзнинг мимик мушаклари:
Мимика мускулларининг бошқа 
мускуллардан фарқи шундаки, улар тери остида жуда юза жойлашган. Анатомик 
препаровка эҳтиёткорлик билан бажарилмаса, мимик мускулларни теридан 
ажратиш вақтида кесиб юбориш мумкин. Чунки мимика мускуллари бошқа 
мускуллар сингари суякка бирикмай, суякдан бошланиб терига ёки теридан 
бошланиб терига бирикади. Шунинг учун ҳам қисқарган вақтда, терини ҳаракатга 
келтиради. Юзнинг мимика мускуллари оғиз, бурун, кўз ва қулоқ атрофини ҳалқа 
шаклида ўраб, айлана мускулларни ҳосил қилади. Кўз, оғиз ва бурун тешиклари 
атрофидаги айлана мускуллар, мазкур тешикларнинг торайиши ва кенгайишини 
399 

---

таъминлайди. Шунингдек, кўз, оғиз, бурун атрофидаги мускуллар қисқарганда, 
мазкур тешикларни турлича шаклларга келтириб, юзнинг қиёфасини, унинг 
симметриясини ўзгартиради ва инсоннинг кайфияти ҳамда ҳис-ҳаяжонларини, 
яъни руҳий-эмоционал ҳолатини акс эттиради.
Такаббурлар мускули (m.proccerus)
- 
пешона суягининг spina nasalisдан 
бошланиб, glabella терисига ёпишади. У икки қош орасида вертикал ёки 
кўндаланг чизик (ажин)лар ҳосил қилади. 
Кўзнинг айлана мускули
(m.оrbicularis oculi). Бу мускул 3 қисмдан 
иборат; У кўз косасининг теварак атрофидан, қовоқлардан, кўз ёш суягининг орқа 
қиррасидан бошланиб, мускулнинг ҳар учала қисми ҳам кўз ёриғининг латерал 
четига, юқори ва пастки қовоқларнинг ўзаро туташган қисмига ёпишади. У 
қисқарганда кўз (қовоқлар) юмилади. 
Қошни чимирувчи мускул 
(m.corrugator superсilli). Бу мускул икки 
қошнинг ўртасида кўндаланг равишда жойлашган бўлиб, қисқарган вақтда 
қошларни бир-бирига яқинлаштиради. Шунинг учун қошлар орасида вертикал 
чизиқ(ажин)лар ҳосил қилади. 
Юқори лабни кўтарувчи мускул
(m. Levator labii superioris )- 
Ёноқ суяги 
юқори жағ суягининг пешона ўсиғи, кўз косасининг пастки кирғоғидан бошланиб, 
бурун канотларига, лаб ва лунж терисига ёпишади. Бу мушак юқори лабни тепага 
кўтаради