Оғиз бўшлиғи аъзолари ва юз-жағ соҳалари тўқималарини

Турар жойи болалар стоматологининг вазифалари: 
Биринчи навбатда, боланинг онаси ва тиббиёт ходимларига чақалоқни овқатлантириш 
тартиби тушунтиради. Юқори лабнинг тўлиқ бўлмаган ҳамда юмшоқ ва қисман қаттиқ 
танглайнинг нуқсони бўлган чақалоқлар кўкрак сутини эма оладилар. Болалар 
стоматологининг вазифаси она ва туғруқхона ходимларига болани ярим вертикал ҳолатда 
ушлаб туриб эмизишни ўргатиш. Юқори лаб ва танглайида туғма нуқсони бўлган 
болаларни овқатлантириш мақсадида зонддан фойдаланишнинг зиёнли эканлигини 
тушунтириш зарур. Бола кўкракни сўра олмаса, онанинг соғилган сутини, юмшоқ, етарли 
даражада катта тешикли сўрғич ёрдамида ичиришни йўлган қўйиш лозим. 
Болани парваришига жалб қилинганларнинг асосий вазифаси, боланинг нафас 
йўлларига суюқлик тушишининг олдини олиш. Онанинг кўкрак сути узоқ вақт сақланиб 
қолиши учун, унга боласининг нуқсони босқичма-босқич даволаниб, фарзанди келажакда 
тенгдошларидан кам бўлмаслигини тушунтириш керак. 
Юқори лаб ва танглайнинг бир ёки икки томонлама кесиб ўтувчи туғма нуқсони 
бўлган чақалоқнинг овқатланиши ва нафас олишини яхшилаш учун, оғиз бўшлиғини бурун 
бўшлиғидан махсус ортодонтик аппарат билан ажратиб қўйиш керак. 
Ортодонтик даво: 
Ҳозирги вақтда жарроҳ ва ортодонт юқори лаб ва танглайнинг кесиб 
ўтувчи туғма нуқсони бўлган болани биргаликда даволашлари лозимлиги шубхасиздир. 
Юқори лаб ва танглайнинг кесиб ўтувчи туғма нуқсонларида ортодонтик даво ўтказиш 
нафақат кемтикни беркитиш, балки юқори ва пастки жағларнинг биргаликда мувофиқ 
равишда ривожланишини таъминлайди. Ортодонтик даво босқичлари хейлопластика, 
велопластика ва уранопластика операцияларигача бўлган даврларга бўлинади. Ҳар бир 
ортодонтик даво даврининг ўзига хос хусусий вазифалари мавжуд. Ортодонт шифокор ҳар 
бир босқичда вазиятдан келиб чиқиб, зарур йўналиш бўйича даво ўтказиши зарур. 
464 

---