Оғиз бўшлиғи аъзолари ва юз-жағ соҳалари тўқималарини

Жағлар синишлари асоратлари
эрта ва кеч ривожланиши мумкин: эрта 
асоратларга суяк атрофидаги тўқималарда йирингли яллиғланиш – абсцесс, 
флегмона, травматик остеомиелит: кечки асоратларга– бўлакларнинг нотўғри 
битиши, иккиламчи адентия, пастки жағнинг синган томонда ўсмай қолиши, 
бўғим анкилози ва ҳоказолар мисоя бўла олади. 
Йирингли яллиғланиш асоратлари, болаларни мутахассисга кўрсатиш учун 
кеч мурожаат қилиниши билан боғлиқ; мурожаат қилганда ташхис тўғри 
қўйилмаганлиги (бўғим бошчаси синганда, “яшил новда” синишда) ҳам кўнгилсиз 
асоратларга сабабчи бўлади. Жағ суякларининг синиши юмшоқ тўқималарнинг 
жароҳати (лат ейиш, қонталаш яралар) билан кечганда иккиламчи инфекция 
тушиши натижасида яллиғланиш жараёни ривожланади. Инфекция юмшоқ 
тўқималарга оғиздан синиш чизиғи орқали тушиб, тарқалиши ҳам мумкин;
Бўлаклар тўлиқ репозиция қилиниб, жағлар ўзаро маҳкамлаб қўйилмаса, 
травматик остеомиелит юзага келиши учун шарт шароит туғилади. Организмнинг 
реактивлиги паст бўлса, кўрилган антибактериал ва яллиғланишга қарши даволаш 
чоралари, табиий микрофлорани заифлаштириб, носпецифик ва иммунологик 
резистентликни 
янада 
тушириб 
юбориши, 
ярадаги 
микробларнинг 
антибиотикларга турғунилигини кучайтириши мумкин. Оқибатда шикастланган 
жағ суягида травматик остеомиелит ривожланиши эҳтимоли янада ошади. 
325 

---

Маълумки, юз-жағ суякларида юзага келадиган травматик остеомиелит 
касаллигини йирингли бактериялар (кокклар флораси) келтириб чиқаради ва 
уларнинг аксарияти облигат-анаэроб штаммлар ҳисобланиб, қолганлари 
факультатив анаэроблар гуруҳига тўғри келади. 
Жароҳатдан сўнг, жағ атрофидаги тўқималарда ривожланган йирингли 
яллиғланиш ўчоқлари (абсцесс, флегмона) барвақт очилиб (эвакувция қилиниб), 
дренажланса ва етарли кўламда ўтказилса, жароҳат 1-2 ҳафта давомида тузалиш 
билан якунланади. Даволаш жараёни адекват тарзда ўтказилмаган ҳолларда, 
ўткир травматик (жароҳатдан келиб чиққан) остеомиелит ривожланади. 
Травматик остеомиелит- бу жароҳат туфайли суякда юзага келган йирингли 
некротик жараён бўлиб, секвестрлар шаклланиши ва репаратив ўзгаришлар содир 
бўлиши билан кечади.