Оғир преэклампсияни қВП/ ктмп даражасида ташхислаш ва даволаш

Ҳомила ҳолатини баҳолаш:

• 
  Ҳомила ўсишини аниқлаш учун УТТ
  
• 
  Қоғаноқ сувлари ҳажми ёки амниотик суюқлик индекси (АСИ)ни аниқлаш,
  
• 
  Допплерометрия.
  

Тутқаноқ кузатилганда:

• 
  ҲЕЧ ҚАЧОН АЁЛНИ ҚАРОВСИЗ ҚОЛДИРМАНГ!
  
• 
  маъсул врач акушер-гинеколог ва анестезиологни чақиринг;
  
• 
  жарохатланишдан эҳтиёт қилинг, аммо қаттиқ куч билан ушламанг;
  
• 
  керакли жиҳозларни тайёрланг: ҳаво ўтказгич/воздуховод, сўрғич/отсос, Амбу халтачаси, ниқоб, кислород;
  
• 
  аёлни ошқозон ва қусуқ массалари, қондан аспирация бўлишишинг олдини олиш учун чап ёнбошига ётқизинг;
  
• 
  тутқаноқдан сўнг оғиз бўшлиғи ва халқумини тозаланг;
  
• 
  нафас йўллари ўтказувчанлигини тикланг;
  
• 
  тутқаноқдан сўнг зудлик билан тутқаноққа қарши магнезиал терапияни бошланг:
  
• 
  юклама доза 4-5 г венага (20мл 25% магнезий сульфати + 20 мл 0,9% физиологик эритмада 20 дақиқа давомида юборилади;
  
• 
  ушлаб турувчи доза: 25% - 100 мл магнезий сульфати + 0,9%-400,0 мл натрий хлор эритмасида минутига 7 томчидан 24 соат давомида юборилади.
  

Агар тутқаноқ такрорланса, яна 2г (8мл) 25% магнезий сульфатни 5 дақиқа ичида вена ичига юборинг ёки юборилаётган магнезий сульфат тезлигини 1,5 – 2,0 г/соатга (бир дақиқада 11-14 томчи) оширинг.
АҚБ, пульси, нафаси, ҳомила юрак уришини аниқланг;
магнезий сульфат самара бермаганда диазепам 10 мг венага бир марта ёки тиопентал 50 мг венага бир марта қилинади.
ЎСВга кўрсатма: адекват мустақил нафас ололмаслик (экламптик статус, экламптик кома, ўпка шиши, сатурация 80% кам бўлиши). Кечиктирилган экстубация.


Акушерлик тактика:

• 
  12 соат давомида туғдириш. Туғдиришдан олдин аёлнинг ҳолатини стабиллаш;
  
• 
  агар аёлда туғруқ бошланган бўлса, она ва ҳомила ҳолати стабил бўлиб, жарроҳликга кўрсатма бўлмаса – табиий туғруқ йўллари орқали туғдириш. Оғриқсизлантириш – регионар тури мақсадга мувофиқ.
  
• 
  Магнезиал терапияни туғруқдан олдин, жарроҳлик вақтида ва ундан кейин 24-48 соат давомида давом эттиринг.
  
• 
  туғруқ йўллари тайёр бўлмаганда ва она ва ҳомила ҳолати ностабил бўлганда кесар кесиш йўли билан туғдириш. Оғриқсизлантириш – регионар тури мақсадга мувофиқ.