Odilqoriyev X. T

Аsosiy va qo‘shimcha funksiyasi

Doimiy va vaqtincha funksiyasi

Тabiatni muhofaza qilish (ekologiya) funksiyasi

Ichki va tashqi funksiyasi

Huquqiy tartibni muhofaza qilish (huquqni muhofaza qilish) funksiyasi

Moliyaviy nazorat funksiyasi



Ijtimoiy funksiyasi



Iqtisodiy funksiyasi

Qo‘riqlash va tartibga solish funksiyasi

Davlatning asosiy funksiyalari

Davlatning funksiyalari

Davlatning tashqi funksiyalari

Davlatning ichki funksiyalari

VI bob. DAVLAT MEXANIZMI (APPARATI)

1-§.
Davlat mexanizmi (apparati) tushunchasi va mohiyati

Davlat hokimiyatini amalga oshirish masalasi barcha zamonlarda dolzarb bo‘lgan va hozir ham shunday. Davlatning institutsi- yaviy elementi – davlat hokimiyatining uyushtirilishi, tashkillashtirilganligi, ya’ni

tashkilot sifatida rasmiylashtirilganligidir. Davlatni tashkilot sifatida turli nuqtayi nazardan talqin etish mumkin. Teran ma’noda, davlat – bu mam- lakatning butun aholisini qamrab oladigan iyerarxik (pog‘onama-pog‘ona uyushgan) tashkilot bo‘lib, bunda aholi davlatning boshlang‘ich elemen- ti hisoblanadi. Aholining bu uyushmasi – tashkilotida, bir tomonda –
«boshqariluvchi fuqarolar» bor, ikkinchi tomonda – butun davlat tashkilotini boshqaruvchi apparat mavjud¹.
Davlatga o‘z hokimiyatini amalga oshirish imkonini beruvchi tashkiliy- moddiy kuch – bu davlat apparati(mexanizmi)dir. Bu apparat (mexanizm) davlatning nimadan tashkil topganligini anglatadi. Davlat apparati – davlat hokimiyatini amalga oshiruvchi organlar tizimi. U davlat oldida turgan maqsad va vazifalarni bajarishga qaratilgan asosiy funksiyalarni ado etadi. Apparat – jamiyatda boshqaruvni amalga oshiruvchi lavozimli xodimlar va boshqaruv organlari yig‘indisidir. Davlat va huquq nazariyasida davlat hokimiyatini amal- ga oshiruvchi maxsus tashkilot «davlat apparati» va «davlat mexanizmi» atamalari bilan ifodalanadi. Mamlakatimizda amalga oshirilayotgan iqtisodiy, siyosiy, ijtimoiy, huquqiy islohotlarda davlatning roli, uning bosh islohotchilik xususiyatlarini ushbu sermazmun ishlarni amalga oshirishda davlatning, davlat organlarining va eng asosiysi, davlat mexanizmining tutgan o‘rni beqiyosdir². Davlat mexanizmi (apparati) da jamiyat oldidagi iqtisodiy, ijtimoiy va siyo-
siy sohalardagi vazifa va funksiyalarni bajarish maqsadida, bir qancha davlat organlari iyerarxiya asosida, yagona bir tizimga birlashadi. Shuningdek, u o‘z funksiyalarini bajarib, davlat hokimiyatini amalga oshiradi. Davlat mexanizmi-


¹ Qarang: Проблемы общей теории права и государства / Под ред. проф. В.С. Нерсесянца. – М., 2008. – 565-bet.
² Qarang: Karimov I.А. Bizning bosh maqsadimiz – jamiyatni demokratlashtirish va yangilash, mamlakatni modernizatsiya va isloh etishdir. – T., 2005. – 40-bet.

ni tashkil etish muayyan obyektiv prinsiplarga tayanadi. Bu esa, jamiyatning davlat tomonidan samarali idora etilishini ta’minlaydi.

Davlat vazifalarini bajarish uchun ularga mos ravishda davlat organlari tashkil etiladi va bu organlar asosiy mas’uliyatni o‘z zimmasiga oladi. Masa- lan, qonunlarni yaratish uchun parlament shakllantiriladi, qonunlarga bir xilda amal qilinishini nazorat qilish maqsadida prokuratura organlari tashkil etiladi. Davlat hokimiyatini tashkil etish va faoliyat yuritishi vakolatlarning taqsim- lanishi prinsipi asosida amalga oshiriladi.
Xorijiy mamlakatlarning konstitutsiyalarida, odatda, davlatning normativ tavsifi, hokimiyat va davlat idoralari ko‘rinishlarining izohi bayon etiladi. Bu qonun chiqaruvchi, ijro etuvchi va sud hokimiyati, prezidentlik instituti, marka- ziy va mahalliy hokimiyat idoralari tizimidan iborat. O‘zbekiston Respublika- sining Konstitutsiyasiga binoan ham qonun chiqaruvchi, ijro etuvchi va sud hokimiyati – davlatning uchta asosiy tayanchidir.
Davlatning jamiyat hayotining asosiy sohalariga, fuqarolar va ijtimoiy guruhlar faoliyatiga ko‘rsatadigan ta’siri maqsadli va samarali bo‘lishi lozim. Ushbu maqsadga ishchan, izchil, «qobiliyatli» davlat apparati vositasida erishiladi. Davlat ishlarini boshqarish davlat apparati tarkibida yuqori uyush- qoqlikni, vakolatlar doirasida omilkor harakatni, mahorat va professionalizmni talab etadi.
Hozirgi kunda davlatshunos olimlar davlat apparatining, eng avvalo, fuqa- rolar va ular uyushmalarining turli ehtiyoj va manfaatlarini mutanosiblashtirish mexanizmi deb hisoblaydilar. Bunday fikrning to‘g‘riligi davlat mexanizmining o‘ziga xos umumiy belgilarini tahlil etish jarayonida yaqqol ko‘zga tashlanadi.