Одил судлов /2019 Судьянинг онгида адолат, тилида ҳақиқат, дилида поклик бўлиши шарт

СУД-ҲУҚУҚ ИСЛОҲОТЛАРИ

---

ОДИЛ СУДЛОВ
1/2019
35
жумладан ҳарбий хизматчилар учун белгиланган ҳуқуқ, имтиёз ва афзал-
ликлар сақланмайди. Содда қилиб тушунтирадиган бўлсак, ҳарбий суд су-
дьялари бундан буён ҳарбий хизматчи ҳисобланмайди ва ҳарбийларга бе-
риладиган маош, имтиёзларга эга бўлишмайди. Аммо, улар судьялар учун 
қонун ҳужжатларида кўзда тутилган ҳуқуқ ва имтиёзлардан фойдаланиш-
лари мумкин.
Республика бўйича 5 та ҳудудий ҳарбий суд фаолият кўрсатиши белгилан-
ди: Нукус ҳарбий суди (Қорақалпоғистон Республикаси, Хоразм вилояти), 
Қарши ҳарбий суди (Қашқадарё, Бухоро, Сурхондарё вилоятлари), Тошкент 
ҳарбий суди (Тошкент шаҳар, Тошкент, Сирдарё вилоятлари), Самарқанд 
ҳарбий суди (Самарқанд, Навоий, Жиззах вилоятлари) ҳамда Фарғона ҳарбий 
суди (Фарғона, Андижон, Наманган вилоятлари).
Фармонда Олий суднинг Ҳарбий ҳайъатини тугатиш, ҳарбий суд судьяла-
рини Қуролли Кучлар таркибидан чиқариш, Республика Ҳарбий суди, округ 
ва ҳудудий ҳарбий судларнинг 159 та штат бирлигини қисқартириш, Респуб-
лика Ҳарбий судининг қўриқлаш взводини тугатиш кўзда тутилди.
Таъкидлаш жоизки, мамлакатимиз мудофаа қудратини мустаҳкамлашда, 
ҳарбий хизматчиларнинг ҳуқуқлари ва қонуний манфаатларини самарали 
ҳимоя қилишда ҳарбий судлар алоҳида ўрин эгаллайди. Ўз навбатида, ҳарбий 
суд судьяларининг нафақат юридик, балки ҳарбий соҳада ҳам билим ва таж-
рибалари муҳим роль ўйнайди.
Амалиётда ҳарбий суднинг судьялигига офицер ҳарбий унвонига эга 
бўлмаган шахслар ҳам тайинланиши ҳолатлари учраб туради. Бундай ҳолатда 
ҳарбий суд судьяси давлат хизматчиси сифатида ҳарбий хизмат борасида таж-
рибага ва махсус ҳарбий-юридик маълумотга эга бўлмайди. Шунинг учун 
ҳам ҳарбий судларнинг судьялари асосан ҳарбий хизматчилар орасидан тан-
лаб олиниши уларнинг профессионал тайёргарлигини кафолатлашга хизмат 
қилади. Шунингдек, ҳарбий қисмларда ҳуқуқ-тартиботни мустаҳкамлашда 
судьяларнинг армия ҳаётини яқиндан билиши ҳам муҳим ўрин тутади.