Одил судлов /2019 Судьянинг онгида адолат, тилида ҳақиқат, дилида поклик бўлиши шарт

М. МАМАСИДДИҚОВ,
юридик фанлар доктори,
профессор,
Ў. ДАВЛЕТОВ,
майор
СУД-ҲУҚУҚ ИСЛОҲОТЛАРИ

---

ОДИЛ СУДЛОВ
1/2019
36
СУДЛАР ФАОЛИЯТИДАН
Х
отин-қизларнинг ҳуқуқ ва манфаатларини таъминлаш, ижтимоий-сиёсий 
фаоллигини ошириш, ташаббус ва интилишларини қўллаб-қувватлаш 
мақсадида қабул қилинган Ўзбекистон Республикаси Президентининг 2018 
йил 2 февралдаги «Хотин-қизларни қўллаб-қувватлаш ва оила институтини 
мустаҳкамлаш соҳасидаги фаолиятни тубдан такомиллаштириш чора-тадбирлари 
тўғрисида»ги Фармони бу борада муҳим қадам бўлди.
Хусусан, ушбу Фармон орқали оила институтини мустаҳкамлаш бўйича, энг 
аввало, «Соғлом оила – соғлом жамият» концептуал ғоясини ҳаётга татбиқ этиш, 
давлат органлари, хотин-қизлар қўмиталари ва бошқа жамоат ташкилотлари 
билан биргаликда нотинч ва муаммоли оилаларни аниқлаш, маънавий-ахлоқий 
муҳитни соғломлаштириш, низоли ҳолатларнинг олдини олиш, хотин-қизларни 
ва оилани ҳар томонлама қўллаб-қувватлаш, шу жумладан, оғир ижтимоий 
аҳволга тушиб қолган хотин-қизлар ва оилаларга, ногиронлиги бўлган аёлларга 
моддий ёрдам кўрсатиш, хотин-қизлар учун оилавий ва хусусий тадбиркорлик, 
ҳунармандчиликни ташкил этиш назарда тутилди.
Хотин-қизларнинг ҳуқуқларини ҳимоя қилиш судларнинг ҳам энг устувор ва-
зифаларидан биридир.
Ўзбекистон Республикаси Олий суди ва Ўзбекистон Хотин-қизлар қўмитаси 
томонидан 2018 йил 13 февраль куни «Хотин-қизларнинг қонуний ҳуқуқ ва ман-
фаатларини ҳимоя қилиш, оилаларни мустаҳкамлаш, оилавий низолар ҳамда 
никоҳдан ажралиш ҳолатларининг олдини олишга қаратилган чора-тадбирлар 
ҳақида» Меморандум қабул қилиниб, оилаларни биргаликда самарали яраш-
тириш чораларини кўриш, зарур ҳолларда суд мажлиси ҳақида хотин-қизлар 
қўмиталарини хабардор қилиш ҳамда уларнинг хулосасини олмасдан туриб, 
никоҳдан ажратиш ҳақида қарор қабул қилмаслик вазифалари белгиланди.