Одатда бизнес деганда у ёки бу компания товар ёки хизматларини амалга

Бизнес нима? Одатда бизнес деганда у ёки бу компания товар ёки хизматларини амалга
оширишни тушунамиз. Масалан: автомобилни сотиш, концертларни ташкил этиш, мотоцикллар учун янги моторни етказиб бериш, тиббиёт муассасаларида тиббий ёрдам кўрсатиш. Жамият томонидан рухсат этиладиган бизнес турлари, одатда, аҳолининг талаблари асосида аниқланади, ҳар иккисининг вазияти ҳамда муҳимлиги эса жамият ва давлат томонидан аниқланади. Ўзбекистонда бизнеснинг деярли барчаси ягона мақсадга – товар ишлаб чиқариш ва хизмат кўрсатиш, уларни сотиш ҳамда фойда олишга қаратилган. Тадбиркорлик фаолиятининг асосий мақсади, бизнеснинг бошқа турлари билан ўзаро алоқадорликда, ўз истеъмолчисини юқори сифатли ва рақобатдошларга нисбатан арзонроқ
баҳодаги товарлар билан таъминлаш ҳисобланади. Бундай мақсад ва йўналишларга риоя қилувчи компания, ўз товари сифатидан тежайдиган ёки товар ҳамда хизмат кўрсатиш баҳосини сезиларли одатда, катта даромад қилади ва ўз мижозларининг ишончини қозонади.
Ўз бизнесини мустақил очиш учун кўплаб турли сабаблар мавжуд: мустақил қарор қабул қилиш, эркин ва мустақил бўлиш, катта муваффақиятларга эришиш нияти ёки ишсиз қолмаслик ҳоҳиши.
Ўз бизнесини яратиш – бу жуда мураккаб ва қийин иш, бу жараённи сиз ўзингиз босиб ўтасиз. Биз эса фақат бир неча маслаҳат ва таклифлар беришимиз ҳамда назарий асос билан таништиришимиз мумкин, холос.
Тадбиркор бўлиш – маблағ топиш, ташкиллаштириш, бошқариш, уларни сарфлаш, таваккал қилиш ва жавоб бериш, яъни ноаниқ шароитларда мустақил қарор қабул қилиш ҳамда бунга шахсан жавоб бериш.
Тадбиркор бўлиш – бу оғир, шу билан бир қаторда қониқиш ва сезиларли миқдордаги фойда келтирадиган меҳнат. Сизнинг ишингиз ўзингиздан жиддий масъулият ва жуда кўп вақтни талаб этади, бироқ шу билан бирга сизга тўла эркинликни ҳадя этади. Буларнинг барчасини амалга ошира олиш учун, сиз бир қатор фазилат ва кўникмаларга эга бўлишингиз керак. Сиз уларнинг айримларига эгасиз, қолганларини эса тинимсиз шуғулланиш ҳамда машқлар ёрдамида эгаллайсиз.