Odam anatomiyasi odam organizmining shakli va tuzilishini uning taraqqiyoti va vazifasiga bog’lab o’rganadigan fandir

 Uyqu kanali (canalis caroticus) orqali ichki uyqu arteriyasi o’tadi. U 
piramidaning pastki yuzasidagi kanalning tashqi teshigidan boshlanib yuqoriga 
va oldinga yo’nalib, ichki teshik bilan kalla ichiga kiradi.
Mushak-nay kanali (canalis musculotubarius) piramidani oldingi 
chekkasi bilan palla qismi o’rtasidagi burchakdan boshlanib orqaga va lateral 
yo’naladi. Uni bo’ylamasiga gorizontal joylashgan to’siq ikki yarimkanalga 
bo’ladi. Ustki nog’ora pardani taranglovchi mushak yarim kanalida (semicanalis 
musculi tensoris tympani) shu nomli mushak yotadi. Pastki eshituv nayi yarim 
kanali (semicanalis tubae auditivae) eshituv nayini suyak qismini hosil qiladi. 
Ikkala yarim kanal ham nog’ora bo’shlig'ining oldingi devoriga ochiladi.
8 
Yuz nervi kanalidan (canalis facialis) shu nomdagi nerv o’tadi. U ichki 
eshituv yo’lining tubidan boshlanib, orqadan oldinga gorizontal yo’naladi. Katta 
toshsimon nerv tirqishi sohasida to’g’ri burchak ostida bukilib tizzacha hosil 
qiladi. Keyin kanal orqaga va lateral yo’nalib, nog’ora bo’shlig'ini aylanib

---

pastga vertikal tushadi va piramidaning pastki yuzasidagi bigizsimon-
so’rgichsimon teshikda tugaydi.
Uyqu-nog’ora kanalidan (canaliculi caroticotympanici) shu nomdagi 
arteriya va nervlar o’tadi. U uyqu kanalining orqa devoridan uning tashqi teshigi 
sohasidan boshlanib nog'ora bo’shlig'iga ochiladi. 
Nog’ora tori qanali (canaliculus chordae tympani) yuz nervi kanalidan 
bigiz-so’rg’ichsimon teshik ustidan boshlanib, oldinga yo’naladi va nog’ora 
bo’shlig’iga ochiladi. Undan nog’ora tori o’tadi. 
Nog’ora kanali (canaliculus tympanicus) piramidaning pastki 
yuzasidagi tosh chuqurchaning tubidan boshlanib, yuqoriga ko’tariladi. Nog’ora 
bo’shligining pastki devorini teshib o’tib, unga kiradi. Undan til-yutqin 
nervining nog’ora shoxi o’tadi.