Obyektga yo’naltirilgan dasturlash”ni o’rganishda interfaol usullarni qo’llash mavzusidagi bitiruv ishiga xulosas I bitiruv ishi mavzusining asoslanishi va uning dolzarbligi

Muxammad al-Xorazmiy nomidagi Toshkent axborot texnologiyalari universiteti “Suniy intelekt” kafedrasi dotsenti, bitiruv loyiha ishining rahbari I.Yusupovning “Dasturiy injiniringi” yo’nalishi bo’yicha qayta tayyorlash va malaka oshirish kursi tinglovchisi
Dilnoza Abdurasulova Botirali qizining
“Obyektga yo’naltirilgan dasturlash”ni o’rganishda interfaol usullarni qo’llash mavzusidagi
bitiruv ishiga
X U L O S A S I

Bitiruv ishi mavzusining asoslanishi va uning dolzarbligi: Kompyuterlashtirishning rivojlanishi va axborot-kommunikatsiya texnologiyalarining qo’llanishi mamlakatimiz uchun ustuvor yo’nalishdir. Bugungi kunda axborotlashtirishning milliy tizimini shakllantirish, jamiyat iqtisodiyoti va hayotining barcha sohalarida zamonaviy axborot texnologiyalarini ommaviy ravishda qo’llash, jahon axborot jamiyatiga kirish va jahon axborot resurslaridan foydalanish uchun shart-sharoitlarini yaratish zaruriyatga aylandi. Sifatli kadrlarni tayyorlash uchun ularga o‘qitiladigan materalni eng zamonaviy va interaktiv dasturiy vositalar yordamida tayyorlash zarur. Chunki xozirgi rivojlanib borayotgan dunyo ta’lim tizimi bilan xamqadam borish davr talabidir. Bunda pedagoglardan zamonaviy dasturiy vositalardan foydalanish va axborot-kommunikatsiya texnologiyalarini ta’lim jarayonida to‘g‘ri qo‘llay olish ko‘nikmalari talab etiladi. Ushbu bitiruv ishda zamonaviy interaktiv metodlar va dasturiy vositalar imkoniyatlaridan foydalanib ta’lim berish usullari yoritilgan.

Dasturlash tillarini o’rgatishda obyektga yo’naltirilgan dasturlash bo’limini o’zlashtirishda talabalarda ko’plab muammolar yuzaga keladi, shuning uchun interfaol uzullardan foydalangn holda dars mashg’ulotlarini olib borish usullari yoritib berilgan.
Bitiruv ishining maqsadi va vazifalari: Mavzu bo‘yicha interfaol metodlarni qo‘llanilishi va turli pog‘onali testlar asosida darsni samarali tashkil etish. 6 xil usulda tuzilgan testlarning talabalarni bilim olish faoliyatiga ta’sirini o‘rganish. Qaysi testdan darsning qaysi bosqichida foydalanish yaxshi samara berishini aniqlash.
Umuman olganda bitiruv ishning maqsadi:
- Fan bo‘yicha ilmiy yangilik qilish;
- Ta’lim jarayonida zamonaviy axborot texnologiyalaridan foydalanish;
- Elektron o‘quv vositasini masofaviy ta’limda qo‘llash;
- Ta’lim sifatini oshirish.
Bitiruv ishining vazifasi:
- Fan bo‘yicha ma’lumotlarni aniq va tushunarli tarzda aks ettirish;
- Fan bo‘yicha ta’lim oluvchilarga chuqurroq bilim berish;
- Dars samaradorligini oshirish.
Bitiruv ishning kirish qismida ishning maqsad va vazifalari, mavzuning dolzarbligi, nazariy va amaliy axamiyati, obyekti va predmeti, mavzu bo‘yicha adabiyotlar va maqolalar taxlili keltirilgan.
Bitiruv loyiha ishida dolzarb masala tadqiq etilgan va ijobiy natijaga erishilgan. Shuni inobatga olgan holda bajarilgan ishni yuqori baholashni tavsiya etaman.


Bitiruv ishi rahbari: I.Yusupov,
t.f.f.d.(PhD), dots.