Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

7 - §. Компрессор ускуналари

449. 
     Компрессорлар, уни ясаган завод берган паспорт ва лойиҳа талабларига кўра, юборилаётган маҳсулот хоссаларини назарга олган ҳолда, соз арматура, НЎА ва А, ҳимоялаш тизими ва блокираторлар билан жиҳозланиши шарт.
     
450. 
     Компрессорларнинг ишлатилиши, уни ясаган завод берган йўриқномага, ҳамда ўрнатилган тартибда тасдиқланган, портлашдан хавфли ва зарарли газларда ишлайдиган, поршенли компрессор қурилмларини хавфсиз ишлатиш ва тузилиш қоидаларига асосан амалга оширилади.
     
451. 
     Агар ҳайдалаётган газ компрессорнинг паспорт маълумотларидаги талабларга жавоб бермаса, ундай компрессордан газни ҳайдашда фойдаланиш мумкин эмас.
     
452. 
     Ечиб олинадиган дастакли беркитувчи жўмраклар қўлланганда, унинг квадратсимон думчасига тиқинлардаги ўтиш йўналишларининг қўрсатувчи белгилар ўйиб ёзилиши лозим.
     
453. 
     Компрессорнинг ҳайдовчи ва сўрувчи қувурўтказгичларига ўрнатилган беркитиш арматураси компрессорга максимал яқинлаштирилган ва хизмат учун қулай зонада бўлиши даркор.
     
454. 
     Компрессор туташмалари ва уларнинг газўтказгичларининг зичлигини аппаратларни ясаган завод йўриқномаларида ва технологик тартибда ўрнатилган муддатларда мунтазам текшириб туриш керак.
     
455. 
     Компрессорга келадиган ҳавонинг таркибида ёнувчан газ ва чанг бўлмаслиги керак. Ҳаво олиш жойлари намланишдан ва бегона предметлар кириб қолишидан ҳимояланган бўлиши керак.
     
456. 
     Сўрилаётган ҳаво механик аралашмалардан филтрлар ёрдамида тозаланиши лозим.
     
457. 
     Газ компрессор қабулига суюқликажраткич (сепаратор)лар ёрдамида берилади. Сепараторлар ёруғли ва товушли сигнал бериш қурилмаси, ҳамда ундаги сув сатҳи рухсат этилган чегарага етганда, компресорни тўхтатувчи муҳосара (блокиратор) билан жиҳозланиши лозим. Компрессор станцияси хонаси доимий ҳаракатдаги оқиб келувчи- тортувчи шамоллатиш тизимига эга бўлиши керак.
     
458. 
     Углеводород газларини ҳайдовчи компрессорлар, хонадаги углеводород газларнинг концентрацияси портлашнинг пастки чегараси (50 %) га етганда, уни автоматик равишда тармоқдан ажратиш қурилмаси билан жиҳозланиши лозим.
     
459. 
     Мойлаш тизими иши бузилса, иш параметрлари рухсат этилган сўнгги чегарадан ошиб кетса, силкиниш ва пақиллашлар пайдо бўлса, носозликлар аниқланиб сабаблари бартараф этилгунча, компрессор ишини дарҳол тўхтатиш керак.
     
460. 
     Компрессорни ҳар гал тўхтатгандан сўнг, иш пайтида текшириш қулай бўлмаган ҳаракатланувчи қисмларини қўздан кечириб, иситиш ҳарорати рухсат этилган даражадаги ошиб кетмаганлигига амин бўлиши даркор.
     

Аниқланган носозликларни дарҳол бартараф этиш лозим.

461. 
     Компрессорни тафтиш этиш таъмирлаш ва мажбурий узоқ вақт тармоқдан узиб қўйилгандан сўнг (захирадагидан ташқари), фақат компрессор станция бошлиғи, ёки механикнинг ёзма рухсати бўйича ишга тушириш мумкин.
     
462. 
     Захира (резерв)да бўлган компрессорлар қабул қилиш ва дамлаш тармоғидан беркитиш арматураси ёрдамида узиб қўйилиши керак.
     
463. 
     Компрессор хонаси эшигининг ташқи тарафида “Бегоналар кириши мумкин эмас” деган ёзув ўрнатилиши шарт.