Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

7 - §. Яшиндан ва статик электрдан ҳимояланиш

206. 
     ГҚИЗ ва К объектларидаги яшиндан ҳимоялаш қурилмалари, бино ва иншоотларни яшиндан ҳимоялаш қурилмаларига қўйиладиган талабларга мос бўлиши керак.
     
207. 
     Темир йўл цистернасига маҳсулот қўйиш учун мўлжалланган металл учликли резина шлангларини статик электрдан сақлаш учун, диаметри камида 2 mm тенг мис сим, ёки ўрам ораси камида 100 mm тенг қилиб, кесими камида 4 mm мис трос шлангнинг ташқари тарафидан ўраган мис сим ерга туташтирилиши даркор. Симларнинг учини қувурўтказгич қисмларига ва учлик (найза)га болтлар билан ёки пайвандлаб туташтириш лозим.
     

Шлангларнинг учликлари, ҳамда нефт маҳсулотларини қуйиш ва тўкиш учун тез ечиб олинадиган қурилмалар пўлатдан ёки учқун чиқармайдиган материал билан қопланган бўлиши лозим.

208. 
     Темир йўл цистерналаридан маҳсулот қуйиш учун устунлар ерга туташтирилиши лозим.
     
209. 
     Ерга туташтириш қурилмалари ва яшиндан ҳимоялаш воситалари йўриқнома, ҳамда ГҚИЗ ва К техник раҳбари томонидан тасдиқланган жадвалга асосан текшириб, далолатнома тузилиши, ҳамда журналда қайд этилиши керак.
     
210. 
     Момоқалдироқ пайтида резервуар (сиғим)дан ёнувчан маҳсулотлар намуналарини олиш, шунингдек, қуйиш-тўкиш операцияларини бажариш тақиқланади.
     

8 - §. Оғир ва кўп куч талаб қиладиган ишларни механизациялаштириш

211. 
     ГҚИЗ ва К ҳудудидаги ускуна ва қувурўтказгичларни, қурилма ва ишлаб чиқариш хоналарида йиғиш, ажратиш ва таъмирлаш ишлари учун лойиҳага биноан ясалган кўтариш-транспорт воситалари ва механизмлари қўлланилиши керак, уларнинг ишлатилиши, ўрнатилган тартибда тасдиқланган, юк кўтариш кранларни тузилиши ва хавфсиз ишлатиш қоидаларига асосан амалга оширилиши лозим.
     
212. 
     Такелаж ишлари куннинг ёруғ пайтида бажарилиши керак. Куннинг қоронғи пайтида такелаж ишларини, юкларни кўчириш ишларига рухсатномаси бор мутахассиснинг бевосита раҳбарлиги остида бажаришига рухсат этилади.
     

Катта ўлчамли ва оғир юкларни юклаш, тушириш ва транспортда ташиш ишлари дастлаб ишлаб чиқилган, ҳамда ГҚИЗ ва К нинг техник раҳбари томонидан тасдиқланган, унда ишларни хавфсиз олиб бориш учун жавобгар шахс белгиланган, ишларни ташкил қилиш режаси асосида бажарилиши керак.

213. 
     Юк кўтариш механизмнинг ишлаш жойи атрофи, унинг иш фаолияти радиуси бўйича тўсилиши, хавфли зона чегараларида эса огоҳлантирувчи белгилар қўйилиши керак.