Ичида водород сулфиди бўлган барча аппарат, агрегат ва қувурўтказгичарни очишдан аввал инерт гази билан “газ машъалага” йўлига РЭК миқдори 3 mg/m3 га тенг бўлгунга қадар дамлаш (пуфлаш) керак.
Генератор реакторларини очишдан аввал, уларни 30 0С гача совутиш, РЭК дан зиёд миқдоридаги зарарли моддалар йўқлигига ўтказилган назоратнинг ижобий натижаларигача ҳаво билан пуфлаш керак.
Шунингдек,генератор реакторларининг газ камераларида олтингугурт йўқлигига ишонч ҳосил қилиш керак.
Қурилмани ишга туширишдан аввал қуйидагиларни бажариш лозим;
печ газўтказгичларини ёнилғи газ билан машъала йўлига дамлаб тозалаш;
гидротўсқичларнинг соз ишлашини текшириш, уларни олтингугурт билан тўлдириш ва уни эритиш.
Қурилмани ишга тушириш вақтида нордон газни қабул қилиш билан боғлиқ бўлган ишлар газдан қутқариш хизмати ишчилари борлигида ўтказилиши керак.