Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

5 - §. Технологик ускуна ва технологик қувурўтказгичлар

65. 
    Лойиҳалашда қабул қилинган технологик ускуна ва қувурўтказгичлар ишлатиш шартларининг техник талабларига кўра хавфсизлик, мустаҳкамлик, занглашга чидамли ва ишончлилик талабларига жавоб бериши лозим.
    
66. 
    ГҚИЗ ва К стационар пўлат қувурўтказгичлари, белгиланган тартибда тасдиқланган технологик қувурўтказгичларнинг тузилиши ва хавфсиз ишлатиш қоидалари талабларига жавоб бериши лозим.
    
67. 
    Технологик ускуна ва қувурўтказгичлар асосан уланган жойлари минимал миқдорда яхлит пайвандланиб тузилган бўлиши керак .
    
68. 
    Занглатувчи – агрессив моддалар билан контактда ишлатишга мўлжалланган технологик ускуна ва қувурўтказгичлар, лойиҳавий кўрсаткичларда уларни хавфсиз ишлатиш имконини тасдиқловчи тайёрловчи - заводнинг техник ҳужжатларига эга бўлиши лозим.
    

Хорижий ускуналар тўплами базасида қурилаётган ишлаб чиқариш объектларини лойиҳалаштириш қурилиш меъёрлари қоидаларига ва таъминловчи ташкилот берган тавсияларига асосан бажарилиши шарт.

69. 
    Емирилиши – агрессив моддалар таъсири шароитида ишлатишга мўлжалланган технологик ускуна ва қувурўтказгичлар девори қалинлигининг ҳисобланган қиймати, ясашда рухсат этилган манфий чекланишни эътиборга олиб, меъёрий оқувчанлик чегарасининг энг кўпи билан 0,4 ишчи кучланишидан ошмаслик шарти билан қабул қилиниши керак.
    
70. 
    Пайвандланиши иш жойида бажарилган ускуна ва қувурўтказгичларнинг пайвандланган туташмалари, амалдаги қурилиш меъёрлари ва қоидалари, ҳамда конструкторлик ҳужжатлари талабларига асосан, қолдиқ кучланишини олиш учун махсус термик ёки бошқа ишлов берилиши керак.
    
71. 
    Технологик ускуна ва қувурўтказгичлар, шунингдек,емирувчи – агрессив моддалар таъсири шароитида ишлашга мўлжалланган барча ускуналар устидан занглаш маҳсулотининг вужудга келишини доимий текшируви (мониторинг) ўрнатилиши керак.
    
72. 
    Технологик ускуна ва қувурўтказгичларни лойиҳалашда занглашнинг олдини олиш учун емирилишга қарши ингибиторлари ва бошқа мосламаларни киритиш учун герметик тизим зарурлигини назарда тутиш керак.
    
73. 
    Лойиҳавий ечимлар ускуна ва қувурўтказгичлар ичида занглаш-агрессив муҳитнинг боши берк ва турғун зоналари, ҳамда турлича металл ва қотишмалар ўзаро контактда бўлмаслиги керак.
    
74. 
    Заҳарли суюқликларни ҳайдаш учун мўлжалланган насосларни ясаш конструкцияси, ясаш ва тизимга улаш схемаси насосларни таъмирлаш-профилактика ишларга тайёрлашда, уларни тўла бўшатиш, ювиш, ва газсизлантириш имконини таъминлаши керак.
    
75. 
    Технологик ускуна ва қувурўтказгичларни лойиҳалашда, заҳарли суюқликларни тўла бўшатиш учун (зарурат бўлса уларни нейтраллаштириш учун сиғим таркибига киритилади) герметик, ёпиқ сиздириш (дренаж) тизими, ҳамда заҳарли қолдиқ муҳитни дренаж тизими ёки машъала йўлига ёқиб юбориш учун сиқиб чиқарувчи азот, буғ ёки суюқлик берадиган боғлама ускунаси назарда тутилиши керак.
    
76. 
    Лойиҳада, заҳарли суюқликларни асосан герметик тизимларда ер остида вақтинча сақлашни назарда тутиш зарур.
    

Кўрсатилган суюқликларни “азот” билан ҳаво олувчи ер усти резервуарларида сақлаш мумкин; бу ҳолда резервуарлар насос ускуналари ва ортиқча суюқликни дренаж тизимига аварияли тўкиш тизими билан муҳосара қилинган бўлиши, тепа сатҳи тўлганлигидан сигнал берувчи мослама билан жиҳозланиши лозим.
Заҳарли суюқликларни “атмосферадан” ҳаво олувчи резервуарларда сақлаш мумкин эмас.

77. 
    Технологик ускунани лойиҳалашда, уни тозалаш иншоотлари билан жиҳозлашни, ҳамда ер усти ва ер ости сув ресурсларини, ҳаво ҳавзасини, ер ости бойликлари ва ер юзасини муҳофаза қилиш учун восита ва қурилмалар билан жиҳозлашни назарда тутиш керак.