Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

5 - §. Сув таъмиоти ва канализация

181. 
     Ишлаб чиқариш объектларининг сув билан таъминланишини, махсус тайёрланган ходим, лойиҳа ва амалдаги санитария меъёрларга асосан бажариши керак.
     
182. 
     Технологик объектларнинг айланма сув билан таъминлаш тизимлари учун ишлатиладиган сувга портлаш-ёнғиндан хавфли суюқликлар, буғ ва газлар тушиши эҳтимоли бўлса, уларни хавфсиз ишлатишни таъминлаш бўйича чоралар қўрилиши керак.
     
183. 
     Технологик регламентлар ва авария ҳолатини бартараф этиш режаси (АҲБР) да назарда тутилган ҳолатлардан ташқари, хўжалик - ичимлик сувўтказгичларни техник сув истеъмоли учун ишлатиш тақиқланади.
     
184. 
     Техник сувдан сув олиш жойларида “Ичиш учун яроқсиз!” деган ёзувлар бўлиши керак.
     
185. 
     Ишчиларни ичимлик суви билан таъминлаш учун санитария меъёрларига мос, фавворали кийдирма ва бошқа қурилмалик берк баклар билан жиҳозланиши лозим.
     

Хўжалик – истеъмол эҳтиёжларига ишлатиладиган совуқ ва иссиқ сув сифати O’z DSt 950:2000 «Ичимлик суви» талабларига жавоб бериши керак.

186. 
     Оқова сувлар ташланиши, уларнинг ифлосланиш даражаси ва тозалаш иншоотларининг самарали ишлаши устидан, санитария назоратининг маҳаллий органи билан келишилган жадвал бўйича, кундалик лаборатория назорати ўрнатилиши лозим.
     

Оқова сувлардаги нефтмаҳсулот ва зарарли моддалар миқдори белгиланган меъёрдан ошмаслиги лозим.

187. 
     Чиқиндилар бўлган ифлослантирувчи моддалари бор оқова сувларини сув объектлари ва атроф - жой релъефига ташлаш шарти “Сув объектлари ва атроф – жой релъефига чегаравий рухсат этилган ташлаш лойиҳаси” асосида ўрнатилади.
     
188. 
     Носоз ёки нотўғри ясалган гидравлик тўсқичли канализацияни ишлатиш тақиқланади. Ҳар бир гидротўсқичда, тўсиқ ҳосил этувчи сув қатламининг баландлиги камида 0,25 m бўлиши керак.
     
189. 
     ГҚИЗ ва Книнг ҳудуди ва ундан ташқаридаги саноат канализацияси (ва бошқа мўлжалдаги) қудуқлари ҳар доим берк ҳолда бўлиши даркор. Қудуқларнинг қопқоқлари пўлат ёки темир бетон плита устига камида 10сm қалинликда қум сепилган бўлиши лозим.
     
190. 
     Ишлар олиб борилаётган қудуқлар атрофи тўсилган бўлиши ва улар олдида огоҳлантирувчи белгилар, ҳамда “Ишлар олиб борилаяпти” деган плакатлар осиб қўйиш керак.
     
191. 
     Тозалаш қурилмалари носоз ёки ифлосланган бўлиб, оқова сувларнинг тозаланишини таъминлай олмайдиган саноат канализациясини ишлатиш мумкин эмас.
     
192. 
     Саноат канализациясининг тутқичлари ва тиндиргич ҳовузларининг ёнмайдиган материалдан ясалган, баландлиги камида 1 m га тенг тўсиқлари бўлиши керак.