Оао "сибур-нефтехим"

3.1.2.7 Кўпиришга қарши ингибиторни қабул қилиш, сақлаш ва пуркаш бўлими

Кўпиришга қарши ингибитор РА-1720 комплект қурилмадан берилади.

Комплект қурилма FB-1720X ингибиторни сақлаш сиғими ва икки насосдан:

• 
  ингибиторни паст босимда (1) ва (3) нуқталардан бериш учун мўлжалланган GA-1720АX диафрагмали, меъёрловчи насосдан;
  
• 
  ингибиторни юқори босимда (2) нуқтадан бериш учун мўлжалланган GA-1720ВX плунжерли, меъёрловчи насосдан ташкил топган.
  

Бочкалар/контейнерлардан кўпиришга қарши ингибиторни FB-1720X сиғимига қуйиб олиш, кўчма роторли насос билан, туташтирувчи қуйиб олиш муфтаси орқали амалга оширилади.
Атроф-муҳитнинг паст ҳароратларида ишлатиш вақтида эритманинг қовушоқлигини пасайтириш ва музлаб қолишини олдини олиш учун, сиғимга змеевик ўрнатиш кўзда тутилган, унга паст босимдаги буғ берилади.
Кўпиришга қарши ингибитор FB-1720X сиғимидан GA-1720X насос ёрдамида даврий равишда, суюлтирилмаган ҳолда уч оқим билан:

1. 
   регенерацияланган ДЭА эритмасининг қувурўтказгичларига, GA-1701, GA-1701S насосларидан олдин;
   
2. 
   регенерацияланган ДЭА эритмасининг қувурўтказгичига ЕС-1701A-F ҲСА лардан кейин;
   
3. 
   DA-1702 аминни буғлаш колоннасининг “ҳўллаш” суюқлигини бериш қувурўтказгичига берилади.
   

Кўпиришга қарши ингибиторнинг миқдори PDI-17010 ва PDI-17005 босимлар фарқини ўлчаш асбоблари билан назорат қилинади.
Сиғимдаги кўпиришга қарши ингибиторнинг температураси жойида ўрнатилган TG-17056 манометрик термометрнинг кўрсаткичлари бўйича назорат қилинади.
Сиғимдаги кўпиришга қарши ингибиторнинг сатҳи жойида ўрнатилган LG-17061Х сатҳ ўлчагичнинг кўрсаткичлари бўйича назорат қилинади. Сиғимдаги ингибиторнинг сатҳи минимал даражага етганда, РСУ бошқариш пультида LA-17011Х сигнализация ишга тушади.
Реагентнинг музлаб қолишини олдини олиш учун сиғим ва қувурўтказгичларни иссиқ сақловчи материал билан ўраш ҳам, кўзда тутилган.