O ’zbekiston respublikasi oliy va o’rta maxsus ta’lim vazirligi toshkent moliya instituti

VI. Kurs ishini tashkil etish bo‘yicha uslubiy ko‘rsatmalar

Kurs ishi tasdiqlangan o’quv rejada ko’zda tutilgan ta’lim yo’nalishlarida bajariladi. “Riskologiya” fani bo’yicha kurs ishi tanlangan mavzu bo’yicha natijalarni umumiy yaxlitlikka ega ilmiy va amaliy fikrlarni aks ettiruvchi loyihaviy ishdir. Kurs ishi “Riskologiya” fani rivojlanishining zamonaviy darajasiga, iqtisodiyotning rivojlanish tendentsiyalariga doir masalalarini aks ettirishga mos kelishi kerak.

Kurs ishi nafaqat nazariy ahamiyati, mavzusining dolzarbligi va erishilgan natijalarning amaliyotga tadbiqi, balki uning uslubiy tayyorgarlik darajasi hamda rasmiylashtirilishiga qarab baholanadi. Kurs ishini yozishning eng muhim bosqichi - bu qo’yilgan savollarning o’zaro nazariy va amaliy aloqadorligini ta’minlashdir. Kurs ishining tarkibiy tuzilishini to’g’ri belgilash talabaga kurs ishining maqsadi va vazifalarini aniq qo’yish hamda ko’zlangan natijaga erishish yo’llarini, shuningdek, kurs ishini tayyorlash bosqichlarini to’g’ri tanlashga imkon yaratadi.
Kurs ishi talabaning ilmiy jihatdan yetukligi hamda “Riskologiya” fani bo’yicha chuqur bilimga va amaliy ko’nikmaga egaligini namoyon qilishi zarur. Kurs ishini himoya qilishga quyidagi umumiy talablar qo’yiladi:

• 
  o’rganilayotgan muammo bo’yicha mavjud iqtisodiy adabiyotlarni chuqur tahlil qilish;
  
• 
  kurs ishida chizma va jadvallarni muayayn tizimga keltirilgan holda rasmiylashtirish;
  
• 
  kurs ishi bo’yicha to’plangan materiallarni tanqidiy o’rganish;
  
• 
  xulosa va tavsiyalarning asoslab berilishi;
  
• 
  talaba tomonidan fikrning ketma-ketlikda, muayayn izchillikda bayon qilinishi;
  

Kurs ishlarining namunaviy mavzulari:
1.“Riskologiya” fanining paydo bo‘lishi va tadrijiy rivojlanishi.
2. Riskologiyani rivojlantirishning konseptual asoslari.
3. Riskning funksiyalari. Risk maydoni klasterlari.
4. Risk nazariyalari.
5. Risklarning hayotiylik aylanmasi.
6. Risk munosabatlari va uning sub’ektlari.
7. Xavfning hududiy va faoliyatga ko‘ra turlari.
8.Zamon, vaqt va jarayonlar kesimida xavf omillari.
9. Xavfsizlik tizimi va uning samaradorligi.
10. Reglament kompleksi va uning qatlamlari.
11. Texnogen xavflar yuzaga kelishida inson omilining roli.
12. Tadbirkorlik faoliyatida axborot xavfsizligi.
13. Riskologik tiplar va ularni aniqlash metodlari.
14. Noaniqlik va ekstremal sharoitida tasodifiy hodisalarning yuzaga kelishi va reallik
15. Konfliktlar muammosi va ularning yechimi.
16.Risklarni minimallashtirish texnologiyalari.
17. Xususiy risklarni baholash va muvofiqlashtirish omillari.
18. Xo‘jalik va tadbirkorlik risklari.
19. Iqtisodiy risk ob’ektlari va sub’ektlari.
20.Iqtisodiyot sohalari va tarmoqlari risklari.
21. Iqtisodiy riskni baholashning sub’ektiv metodlari.
22. Yangi mahsulotni ishlab chiqish (xizmat ko‘rsatish, ish bajarish)da samaradorlik jadvali.
23. Iqtisodiyotda risk konsepsiyalarining o‘zaro bog‘liqligi.
24. Tijorat risklari.
25. Investitsiya risklari.
26. Pul omili bilan bog‘liq risklar.
27. Daromad omili bilan bog‘liq risklar.
28.Riskni minimallashtirish metodlari.
29. Moliyaviy risklar diversifikatsiyasi.
30. Risklarni minimallashtirish mexanizmlari.