O ’zbekiston respublikasi oliy va o’rta maxsus ta’lim vazirligi toshkent moliya instituti

Kengash kotibi: I.Choriyev


Kirish
Sug‘urta faoliyati risk yuz berishi oqibatida ko‘rilishi ehtimol bo‘lgan zararlarni qoplashning zaruriy vositasi sifatida paydo bo‘ldi hamda rivojlandi. Shunday anglanilgan zarurat, ya’ni aniq manfaatlar negizida sug‘urta munosabatlari yuzaga keldi.
Sug‘urta munosabatlari murakkab va keng qamrovli iqtisodiy-moliyaviy-pullik munosabatlar bo‘lib, ularning tashkiliy shakllari qandayligidan qat’iy-nazar sug‘urta fondini yaratish va undan foydalanish jarayoni hisoblanadi. Ta’kidlash lozimki, mazkur munosabatlar yuzaga kelishi uchun o‘zaro bog‘liq omillar mavjudligi muhimdir. Xususan, risk omilisiz sug‘urta o‘z mohiyatini yo‘qotadi.
Dasturda talabalar mustaqil ishlab qo’shimcha bilim olishlari, yozma ishlar tayyorlashlarini hisobga olib bir qator nazariy masalalar kengroq berildi.
Talabalarning sug’urtadagi ehtimollik bo’yicha tafakkurini shakllantirishda riskologiya fani sug’urta ishiga bog’liq bo’lgan fanlar bilan chambarchas bog’liq hisoblanadi. Riskologiya – sug’urta munosabatlari tizimining har bir bosqichi o‘ziga xos va o‘zaro bog‘liq bo‘lib, risklarni mas’uliyatga qabul qilishdan, ularni bartaraf etishgacha bo‘lgan qayta ishlash jarayonlarini qamrab oladi O’zbekiston sug’urta munosabatlarida ehtimol tutilgan hodisalarni sug‘urtalashdan oqilona foydalanish yuzasidan amaliy bilimlarni puxta egallab olish imkoniyatini beruvchi fanlar turkumiga kiruvchi nazariy fandir.
“Riskologiya” fanining mazkur ishchi o’quv dasturi O'zbekiston Respublikasi Prezidentining 2017-yil 7-fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi PF-4947-sonli Farmoni, 2017-yil 20-apreldagi “Oliy ta’lim tizimini yanada rivojlantirish chora-tadbirlari to’g’risida”gi PQ-2909-sonli Qarori, 2017-yil 27-iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to'g'risida” PQ-3151-son Qarori hamda 2018-yil 5-iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo’yicha qo’shimcha chora-tadbirlar to'g'risida”gi PQ-3775-sonli Qarori va 2019-yil 2-avgustdagi “O’zbekiston Respublikasining sug’urta bozorini isloh qilish va uning jadal rivojlanishini ta’minlash chora-tadbirlari to’g’risida”gi PQ-4412-sonli asosiy qoidalariga muvofiq ishlab chiqilgan va unda “Riskologiya” fanini o`qitishda zarur bo`lgan asosiy jihatlar yoritilgan.

1.