O ’zbekiston respublikasi oliy va o’rta maxsus ta’lim vazirligi buxoro davlat universiteti

Ishning maqsadi. Yuqorida ishning dolzarbligi qismida bayon qilingan mulohazalar ishning maqsadini aniqlab beradi va ular quyidagilardan iborat:
-differensial tenglamalar haqida boshlang`ich tushunchalar;
- oddiy differensial tenglamalar sistemasi haqida boshlang`ich tushunchalar;
- differensial tenglamalarning normal sistemasi haqida tushunchalar;
- chiziqli differensial tenglamaning normal sistemasi haqida tushunchalar.
O’rganish obyekti. O`rganish obyekti oddiy differensial tenglamalar va ularning sistemasi hisoblanadi.
O’rganish uslubi. Differensial tenglamalar sistemasini yechish usullari.
Ilmiy yangiligi. Malakaviy bitiruv ishi metodik xarakterdagi ish hisoblanadi. Unda differensial tenglamalar sistemasini yechishning turli xil usullari o`rganilgan.
Olingan natijalarning haqqoniyligi. Oddiy differensial tenglamalar sistemasini bir necha usullar yordamida yechish ko`rsatilgan.
Ilmiy va amaliy ahamiyati. Bitiruv malakaviy ishida keltirilgan differensial tenglamalar sistemasini yechish usullaridan oliy o`quv yurtlari talabalari differensial tenglamalar fanini o`rganishda foydalanishlari mumkin.
Bitiruv malakaviy ishi tarkibi va hajmi. Bitiruv malakaviy ishi kirish, ikki bob, xotima, o’n beshta foydalanilgan adabiyotlar, o’ttiz to’rtta misollar va ularning yechimlari keltirilgan bo’lib, ishning hajmi 61 betdan iborat.
I BOB. DIFFERENSIAL TENGLAMALARNING NORMAL SISTEMASI. UMUMIY TUSHUNCHALAR

1.1. Umumiy tushunchalar.

Tabiatda uchraydigan turli jarayonlar (avtomobil harakati, sayyoraning uchishi,fizik va ximik va biologik jarayonlar va h.k) o’z harakat qonunlariga ega. Ba’zi jarayonlar bir xil qonun bo’yicha sodir bo’lishi mumkin, bu hol esa ularni ishini o’rganish ishini yengillashtiradi. Ammo jarayonlarni tavsiflaydigan qonunlarni to’g’ridan to’g’ri topish har doim ham mumkin bo’lavermaydi. Xarakterli miqdorlar va ularning hosilalalari va differensiallari orasidagi munosabatni topish tabiatan yengil bo’ladi. Bunda noma’lum funksiya yoki vektor funksiya hosila yoki differensial ishorasi ostida qatnashgan munosabat hosil bo’ladi. Jumladan,