O` zbekis t onrespublikas I

Burchak to`pini amalga oshirish tartibi:

• 
  To`p burchak sektori ichiga bayroqli ustunning atrofida joylashtiriladi. Hamda darvoza chizig`iga yaqinroq nuqtaga qo`yiladi;
  
• 
  Zarba berayotgan paytda bayroqli ustunga tegish ta`qiqlanadi;
  
• 
  To`p o`yinga kiritilguncha, raqib jamoa futbolchisi to`pdan 9,15 metrdan yaqin bo`lmagan masofada turishi lozim;
  
• 
  Burchak to`pi hujum qilayotgan jamoa a`zosi tomonidan oyoq bilan o`yinga kiritiladi;
  
• 
  To`p oyoq bilan joyidan siljishi bilan o`yinga kiritilgan deb hisoblanadi;
  
• 
  Burchak to`pini kiritayotgan o`yinchi birinchi bor to`pga tegishgandan so`ng kema-ket ikkinchi bor tegina olmaydi, ya`ni to`pga ikkinchi marta uning jamoadoshi kelib teginadi.
  

4.24-rasm

Qoidabuzarlik, jazolar
Burchak to`pi maydonda harakat qilayotgan o`yinchi tomonidan kiritiladi
Agar burchak to`pini o`yinga kirituvchi futbolchi to`pga ikkinchi bor teginib (lekin qo`l bilan emas, unda boshqacha jazo qo`llanadi) ketsa, unda:

• 
  Qoida (to`pga ketma-ket ikkinchi bor teginish) buzilgan nuqtadan hakam tomonidan qarama-qarshi jamoa foydasiga erkin zarba belgilanadi;*
  

Agar burchak to`pini o`yinga kirituvchi futbolchi to`pga ikkinchi bor atayin qo`li bilan o`ynasa, unda:

• 
  Hakam tomonidan qoida buzilgan nuqtadan qarama-qarshi jamoa foydasiga jarima to`pi belgilanadi;
  
• 
  Agar himoyachi o`z jarima maydoni ichida qo`l bilan o`ynasa, hakam tomonidan 11 metrlik jarima to`pi belgilanadi.
  

Burchak to`pining darvozabon tomonidan kiritilishi
Agar burchak to`pini o`yinga kirituvchi darvozabon to`pga ikkinchi bor teginib (lekin qo`l bilan emas, unda boshqacha jazo qo`llanadi) ketsa, unda:

• 
  Hakam tomonidan qoida (to`pga ketma-ket ikkinchi bor teginish) buzilgan nuqtadan qarama-qarshi jamoa foydasiga erkin zarba belgilanadi;