O` zbekis t onrespublikas I

11 metrlik jarima to`pi amalga oshirilib, darvoza tomon yo`naltirilgan to`p begona shaxsga tegsa:

• 
  zarba qaytadan amalga oshiriladi.
  

11 metrlik jarima to`pi amalga oshirilgandan so`ng, to`p darvozabon, darvoza ustuni yoki to`sinlariga tegib maydonga qaytib begona shaxsga tegsa:

• 
  hakam o`yinni to`xtatishi kerak;
  
• 
  to`p maydonning begona shaxsga tekkan joyidan «baxsli to`p» orqali o`yin davom ettiriladi.
  

Izoh: 1891-yili birinchi marta 11 metrlik penalti belgilandi. Asoschisi Irlandiyalik mutaxassis Jon Mak Penalti.

6. 
   QOIDA: To`pni yon chiziqdan o`yinga kiritish
   

To`pni yon chiziqdan o`yinga kiritish o`yinni davom ettirish usullaridan biri hisoblanadi.
Yon chiziqdan o`yinga kiritilgan to`p bevosita hech kimga tegmay darvoza chizig`ini kesib o`tsa, gol hisobga olinmaydi.
To`pni yon chiziqdan o`yinga kiritish:

• 
  to`p yon chiziqni yerda yoki havoda to`liq kesib o`tgandan so`ng amalga oshiriladi;
  
• 
  to`p aynan yon chiziqni kesib o`tgan joyidan o`yinga kiritish amalga oshiriladi;
  
• 
  yon chiziqni kesib o`tishdan oldin oxirgi marta to`pga tegingan jamoa o`yinchisining raqiblaridan biri tomonidan amalga oshiriladi.
  

4.22-rasm

To`pni yon chiziqdan o`yinga kiritish tartibi va yo`l-yo`riqlari
O`yinchi to`pni yon chiziqdan maydonga tashab berayotgan paytda quyidagi talablarni bajarishi kerak:

• 
  maydonga yuzi bilan turishi kerak;
  
• 
  ikkala oyog`i tovonlarini shunday holatda joylashtirishi kerakki, ularning hech bo`lmasa bir qismi yon chiziqning ustida, yoki maydonning tashqarisida turishi lozim;
  
• 
  to`pni ikkala qo`li bilan o`yinga kiritishi kerak;
  
• 
  to`pni boshidan oshirib sezilarli harakat bilan o`yinga kiritish kerak.
  

To`pni yon chiziqdan o`yinga kiritgan o`yinchi to`pga boshqa o`yinchi tegmasdan turib ikkinchi marta to`pga tegishga haqqi yo`q.
To`p maydon ichiga kirishi bilan o`yin holatida deb hisoblanadi, ya`ni o`yin davom ettiriladi.