O qo‘shmurodov, B. Shukuriddinov

Volframit (Mn,Fe)WO₄. Yunoncha «bo‘ri ko‘pigi» ma’nosini anglatali. Bu mineral bilan aralashgan qalayi ma’danlarini eritganda, qalayi ustida ko‘pik paydo bo‘ladi. Shuning uchun mineralning nomi shu xususiyati asosida yuzaga kelgan. Ferberit (FeWO₄), volframit [(Mn, Fe)WO₄], gyubnerit (MnWO₄) izomorf qatorining tarkibi o‘zgaruvchan, ularning chegaralari quyidagicha: ferberit – 100–80 %, volframit – 80–20 % va gyubnerit – 20,0 %ni tashkil etadi. Ular tarkibida ba’zan (Nb, Ta)₂O₆ – 2,5 %, CuO – 1,3 % miqdorda aniqlangan.

Volframit monoklin singoniyali, tabiatda qalin tabletkasimon yoki prizmatik qiyofalarda, ba’zan yaxlit yirik donador agregatlar bo‘lib uchraydi. Uning rangi – qora, gyubnerit qizg‘ishroq yoki binafsha rang, ferberit esa qora bo‘ladi. Yaltirashi oynadek, olmosdek, ba’zan yog‘langandek tuyuladi. Mineralning qattiqligi – 5,5, solishtirma og‘irligi – 7,5 gacha.

Volframit – gipogen mineral. Kontakt-metasomatik (skarn), greyzenlarda va yuqori haroratli gidrotermal jarayonlarda yuzaga keladi.