O o ’ ’ z z b b e e

Xedjirlash bank, birja va tijorat amaliyotda qo‘llaniladi. “Xedjirlash” termini keng 
ma’noda kelajakda tovar va xizmatlarni sotish (etkazib berish)ni ko‘zda tutuvchi 
muayyan tovar-moddiy boyliklar bo‘yicha shartnomalar va tijorat operatsiyalarda 
noqulay tarzda baholarning o‘zgarishi bilan bog‘liq risklarni sug‘urtalashni anglatadi. 
Xedjirlash bozor riski va undan kamroq holda kredit riski ta’siri oqibatida 
qo‘yilmalar bo‘yicha ehtimoliy yo‘qotishlarni kamaytirish uchun mo‘ljallangan. 
Xedjirlash balanslashtiruvchi (tenglashtiruvchi) bitim tuzish orqali ehtimoliy 
yo‘qotishlarni sug‘urtalashning shaklini o‘zida aks ettiradi. Sug‘urtalash kabi, xedjirlash 
qo‘shimcha resurslarni bank aylanmasidan band qilishni talab qiladi. 

---

101
Amalga oshirilgan xedjirlash, mazkur pozitsiya bo‘yicha qarama-qarshi yoki 
qoplovchi pozitsiya ochilishi sababli, muayyan daromad yoki zarar ko‘rish imkoniyatini 
to‘liq inkor etadi.
Ham daromad olmaslik, ham zararlar ko‘rmaslik bo‘yicha ushbu “ikkiyoqlama 
kafolat” amalga oshirilgan xedjirlashning klassik sug‘urtalashdan farqidir.