O. N. Imomov hayot faoliyati xavfsizligi

29-modda. Terrorchilik faoliyati uchun tashkilotning javobgarligi 
Tashkilot sudning qarori asosida terrorchilik tashkiloti deb topiladi va 
tugatiladi.Terrorchilik tashkiloti deb topilgan tashkilot tugatilganda unga tegishli 
mol-mulk musodara etiladi hamda davlat mulkiga o`tkaziladi. 
O`zbekiston Respublikasidan tashqarida ro`yhatga olingan halqaro tashkilot 
(uning bo`linmasi, filiali, vakolatxonasi) O`zbekiston Respublikasining sudi 
tomonidan terrorchilik tashkiloti deb topilgan taqdirda O`zbekiston Respublikasi 
hududida mazkur tashkilot (uning bo`linmasi, filiali, vakolatxonasi) faoliyati 
taqiqlanadi va bu tashkilot (uning bo`linmasi, filiali, vakolatxonasi) tugatiladi, unga 
(uning bo`linmasiga, filialiga, vakolatxonasiga) tegishli, O`zbekiston Respublikasi 
hududida bo`lgan mol-mulk musodara etiladi va davlat mulkiga o`tkaziladi. 
30-modda. Yetkazilgan zarar uchun javobgarlikdan ozod etish 
Terrorchilikka qarshi operatsiyada ishtirok etayotgan harbiy xizmatchilar, 
mutaxasislar va boshqa shahslar bunday operatsiya o`tkazilayotganda majburan zarar 
yetkazganlik uchun javobgarlikdan ozod etiladi. 
31-modda. Terrorizmga qarshi kurash to`g’risidagi qonun hujjatlarini 
buzganlik uchun javobgarlik 
Terrorizmga qarshi kurash to`g’risidagi qonun hujjatlarining buzilishida 
aybdor shahslar belgilangan tartibda javobgar bo`ladilar. 
O`zbekiston Respublikasining Prezidenti I. KARIMOV 
Toshkent sh., 
2000 yil 15 dekabr’, 167-II-son 
 
Terrorizm bilan bog’liq FVlarda aholi vakillari quyidagilarni bilishlari shart: 
SHUBHALI BUYUM TOPIB OLINGANDA ...... 
-zudlik bilan tegishli xizmatlarga xabar bering; 
-shubhali buyumga yaqinlashmang; 
-xavfli zonani kamida 100 m radiusda odamlardan bo`shating; 
-shubhali buyum va xavfli zonani qo`riqlashni ta`minlang; 
-uyushgan holda odamlarning evakuatsiyasini ta`minlang; 
-mutasaddi organlar ko`rsatmalariga rioya qiling; 
-radio aloqa vositalari, uyali telefon va radioportlatgich ishlab ketishiga olib keluvchi 
vositalardan foydalanmang 
TELEFON ORQALI TAHDID QILINGANDA . . . . 
-har bir qo`ng’iroqqa bee`tibor bo`lmang; 

---

117 
-qo`ng’iroq to`g’risida tegishli organlar (MHH, ichki ishlar bo`limi)ga xabar bering, 
zarur bo`lsa odamlarni evakuatsiya qilishni tashkil eting; 
-qo`ng’iroq qiluvchi bilan uzoqroq muloqotda bo`lishga harakat qiling (suhbatni 
yozib olish, boshqa telefondan mutasaddi organlarga xabar berish uchun), uning 
yoshi, millati, jinsini tahminan aniqlashga harakat qiling, ovozi, gapirish ohangi, 
nutqiga e`tibor qarating; 
-suhbat boshlangan vaqt va uning davomiyligini qayd eting; 
-gaplashib bo`lgach telefon dastagini qo`ymay boshqa telefon orqali qo`ng’iroq 
qiluvchining nomerini aniqlashga kirishing; 
-suhbat va uning mazmuni to`g’risida gap tarqatmang. 
XODIMLARI GAROVGA OLINGAN OB`EKT RAHBARINING 
HARAKATI . . . . 
-zudlik bilan mutasaddi organlarga va yuqori organ rahbariga xabar berish; 
-garovga olinmay qolgan hodimlarni binodan zudlik bilan olib chiqish; 
-begonalar binoga kirishlariga yo`l qo`ymaslik, binoni kuzatish ishlarini tashkil etish; 
-o`z tashabbusiga ko`ra terrorchilar bilan muzokara olib bormaslik; 
-terrorchilarning talablarini, agar bu odamlar sog’lig’iga zarar yetkazish bilan bog’liq 
bo`lmasa, bajarish; 
-hodisa sodir bo`lgan joyga tegishli kuchlarning to`siqsiz kirib kelishini ta`minlash. 
GAROVGA TUSHIB QOLDINGIZ . . . . 
-ortiqcha his-hayajon, sarosima, vahimaga tushmang; 
-terrorchilar bilan bo`lar-bo`lmas muloqotga kirishmang, sira janjallashmang; 
-ko`pchilik ichida “singib” keting, yarq etib ko`zga tashlanmang; 
-jinoyatchining ko`ziga tik boqmang, bu uning sizga nisbatan qahr-g’azabini oshiradi; 
-yon-atrofingizdagilarni tinchlantiring; 
-tutqinlikda bo`lgan vaqtda ko`rgan, eshitgan barcha narsalarni, terrorchilarning 
tashqi ko`rinishi, hatti-harakatini eslab qolishga harakat qiling; 
-qanday egulik taklif etishmasin uni rad etmang; 
-ruhiy barqarorlikni qo`ldan bermaslikka harakat qiling; 
-ozod bo`lishingizga bo`lgan umidni yo`qotmang; 
-garovdan ozod etilganingizda panaroq joyga o`ting, otishmalar tugamaguncha 
egilgan boshingizni yuqori ko`tarmang, maxsus xizmat hodimlarining topshiriqlarini 
so`zsiz bajaring