O ʻ zbekiston respublikasi oliy va o ʻ rta maxsus ta’lim vazirligi toshkent davlat iqtisodiyot universiteti

1.2. Monetar siyosatni amalga oshirishning maqsad va vazifalari 
Pul-kredit siyosatini olib borishda markaziy bank oʻzining muayyan 
maqsadlariga ega boʻladi. Bu maqsadlarga erishish uchun u pul-kredit siyosatining 
instrumentlaridan foydalanadi. Muammo shundaki, markaziy bank oʻz oldiga 
qoʻygan maqsadlariga erishish uchun oʻzi bevosita nazorat qiladigan 
instrumenlardan qanday foydalanish kerakligida. Chunki eng soʻnggi maqsadlar 
bilan instrumentlar orasida aniq prognoz qilib boʻlmaydigan bir qancha bosqichlar 
bor. Shuning uchun markaziy bank bevosita oʻzi nazorat qilolmaydigan, ammo oʻzi 
intiladigan maqsadlarga eng yaqin makroiqtisodiy oʻzgaruvchilar – oraliq 
moʻljallarni belgilaydi. 
Monetar siyosatning asosiy maqsadi milliy valuta barqarorligini ta’minlash, 
valuta kursi va foiz stavkalarini oqilona oʻrnatish asosida inflyatsiya sur’atlarini 
kamaytirish, kreditdan foydalanishning samaradorligini oshirish va iqtisodiyotning 
barqaror oʻsishini ta’minlashdan iborat. 
Monetar siyosat ikki yoʻnalishda olib borilishi lozim. Birinchi yoʻnalish kredit 
ekspansiyasi boʻlib bu siyosat pul-kredit emissiyasini ragʻbatlantirish yoʻli bilan 
olib boriladi, ya’ni ishlab chiqarish sur’atlari tushib ketgan holda konyukturada 
rivojlanishga erishish mumkin. Ikkinchi yoʻnalish-kredit restriksiya siyosati 
boʻlib, u iqtisodiy oʻsish davrida pul-kredit emissiyasining qisqarishiga asoslanadi. 
Monetar siyosatning asosiy maqsadidan kelib chiqib oraliq va pirovard 
maqsadlarni ajratish mumkin. Monetar siyosat konsepsiyasining yakuniy hamda 
oraliq maqsad va vazifalarini 1.2.3-jadvalda koʻrishimiz mumkin.
 
 
18
Мишкин Ф.Экономическая теория денег, банковского дела и финансовых рынков, 7-е изд. : Пер. c англ. –
М.: ООО “И. Д. Вильямс”, 2006. С. 437. 

---

17